سەرۆک بارزانی: ئەوێن رێگری ل خەباتا کوردێن سووریێ کری، دێ باجا وێ دەن

سەرۆک بارزانی: ئەوێن رێگری ل خەباتا کوردێن سووریێ کری، دێ باجا وێ دەن

گاڤ

ب پشکداریا سەرۆک مەسعوود بارزانی ئەڤرۆ کۆنگرێ 12ێ یێ پارتی دیمۆکراتی کوردستان – سووریا ل هەولێرێ دەستپێکر.

بارەگەهێ بارزانی د بەیانەکێ دا راگەهاند؛ سەرۆک بارزانی گۆتارەک د کۆنگرەیی دا پێشکێشکر و تێدا رۆلێ پارتی دیمۆکراتی کوردستان – سووریا د شورشێن ئەیلوول و گۆلانێ دا ب بلند نرخاند و سوپاسیا رۆل و خەباتا لەشکەرێ رۆژ د شەرێ دژی داعشێ دا کر.

سەرۆک بارزانی هیڤی خواست رەوشەک پەیدا ببیت کو بشێن ڤەگەرنە سەر جهێن باب و باپیرێن خۆ ب ئێکگرتی بەرهنگاری تەحەدیان ببن، هەروەسا خواست دۆستایەتی و هەڤپەیمانیێ پتر بهێز بکەن.

سەرۆک مەسعوود بارزانی ئاماژە ژی کر کو ئەو پشتەڤان بوون هەموو ئالی سێ کۆنگرەیان (دو ل هەولێر و ئێک ل دهۆک)ێ بکەن بۆ خەبات و ئێکگرتنا نەتەوەیی، لێ رێگری هەبوون و ئەوێن رێگری ل خەباتا کوردێن سووریێ کری، دێ باجا وێ دەن.

کۆنگرێ 12ێ یێ پارتی دیمۆکراتی کوردستان – سووریا ئەڤرۆ ب بەرهەڤبوونا 220 ئەندامان ل هەولێرێ دەستپێکر و بۆ دەمێ دو رۆژان دێ بەردەوام بیت و تێدا دێ 29 ئەندامێن کۆمیتەیا ناڤەندی هێنە هەلبژارتن و پاشان دێ سکرتێرێ پارتی دیمۆکراتی کوردستان – سووریا هێتە هەلبژارتن.

تُتاح هذه الصورة أيضا في: کوردی