پێلهكا بارانبارینێ ب ڕێڤهيه
کوردستان TV
شارهزایهكی كهشناسی ئاشكرای دهكات كه له ههفتهی داهاتووهوه شهپۆڵێكی بارانبارین دهگاته تهواوی ناوچهكانی عێراق و شهپۆڵهكه بۆ ماوهی 36 كاتژمێر بهردهوام دهبێت.
عهلی جابر كه شارهزایهكی كهشناسی عێراقییه دهڵێت: ئێوارهی رۆژی سێشهمی ههفتهی داهاتوو شهپۆڵێكی بارانبارینی بهخوڕ دهگاته عێراق و تهواوی پارێزگاكان له ههرێمی كوردستانهوه تا باشووری عێراق دهگرێتهوه.
دهشڵێت: شهپۆڵهكه رۆژی چوارشهم دهگاته لووتكه و بارانێكی زۆر دهبارێت و بهو هۆیهوه ئهگهری دروستبوونی لافاو له زۆربهی ناوچهكان دهبێت.
ههروهها گوتی: شهپۆڵهكه بهشێوهیهكی گشتی بۆ ماوهی 36 كاتژمێر بهردهوام دهبێت و رۆژی پێنجشهم كۆتایی دێت.
شارهزاكهی كهشناسی ئاماژهی بهوهش دا له كاتی هاتنی شهپۆڵهكه پلهكانی گهرما بهشێوهیهكی بهرچاو نزم دهبنهوه و ئیتر كهشوههوا بهتهواوی بۆ زستانه دهگۆڕێ.
بۆیه ئامۆژگاری هاووڵاتییانی كرد ئیتر جل و بهرگی زستانه دهربهێنن و خۆیان بۆ هاتنی وهرزی سهرما ئاماده بكهن.
تُتاح هذه الصورة أيضا في: کوردی