سهرۆكێ ههرێمێ سوپاسیيا فینلهندا دكهت
وشه:
نێچیرڤان بارزانی سهرۆكی ههرێمی كوردستان، پێشوازیی له ئانو سارێلا باڵوێزی فینلهندا له عێراق كرد.
بهگوێرهی راگهیهنراوی سهرۆكایهتیی ههرێمی كوردستان، له كۆبوونهوهیهكدا ههردوولا دووپاتیان له خواستی دوولایهنه بۆ برهودان به پێوهندییهكان و فراوانكردنی هاریكاریی هاوبهشی فینلهندا لهگهڵ عێراق و ههرێمی كوردستان له بواره جیاكاندا كردهوه، ههروهها لەبارهی دۆخی سیاسی و تهناهیی عێراق و گرنگیی پاراستنی ئارامی و سهقامگیریی وڵات، بیروڕایان گۆڕییهوه.
نێچیرڤان بارزانی، سوپاس و پێزانینی ههرێمی كوردستانی بۆ بهشداریی فینلهندا له هاوپهیمانیی نێودهوڵهتیی دژی داعشدا دهربڕی، ستایشی پشتگیریی فینلهندای له عێراق و ههرێمی كوردستان كرد بۆ بهرهنگاربوونهوهی تیرۆر، ههروهها ئاماژهی به رۆڵی هێزهكانی فینلهدا كرد كه هێشتا له ههرێمی كوردستان، له ئهركدان.
كاریگهری و لێكهوتهكانی شهڕ له ئۆكراینا و دوایین پێشهاتهكانی دۆخی ئاڵۆزی رۆژههڵاتی ناوهڕاست و شهڕ له غهززه و چهند پرسێكی دیكهی جێی بایهخی هاوبهش، تهوهرێكی تری كۆبوونهوهكه بوو.
تُتاح هذه الصورة أيضا في: کوردی