وهزیرێ سامانێن سروشتى:پتريا ئاریشهیێن دگهل بهغدا هاتینه چارهسهركرن
خانى نيوز:
وهزیرێ سامانێن سروشتییێن حكومهتا ههرێما كوردستانێ ب وهكالهت ڕاگههاند، 80%ێ یا بریارێن دادگهها پاریسێ د بهرژهوهندییا ههرێما كوردستانێ بوون، ئهوان ئاریشه نینن كو پهترۆلا ههرێمێ ب ڕێیا سۆمۆیێ بفرۆشن، لێ ب وى مهرجى شایستهیێن داراییێن ههرێما كوردستانی بهێنه دابینكرن.
كهمال محهمهد سالح وهزیرێ سامانێن سروشتییێن ههرێما كوردستانێ ب وهكالهت د كۆنگرهكێ ڕۆژنامهڤانیدا دیاركر، بریارا دادگهها پاریسێ ل دۆر پهترۆلا ههرێما كوردستانێ پێنج بابهتان بخۆڤه دگریت و چار ژ وان د بهرژهوهندییا ههرێما كوردستانێدابوون.
ئاماژه ب هندێ ژى دا، بههرا پترا ئاریشهیێن گرێداى پهترۆلا ههرێما كوردستانێ دگهل حكومهتا فیدرالى هاتینه چارهسهركرن، نوكه ب تنێ ئاریشهیا هنارتنا پهترۆلێ مایه، بۆ ڤێ ژى پێدڤییه عیراق وهكو ههرێما كوردستانێ بۆ هنارتنێ یا ئامادهبیت.
تُتاح هذه الصورة أيضا في: کوردی