ڕۆژەکا ڤێ هەفتیێ دێ بیتە بهێنڤەدانا فەرمی

ڕۆژەکا ڤێ هەفتیێ دێ بیتە بهێنڤەدانا فەرمی

باسنيوز:

دڤێ هەفتیێدا رۆژەک ل دامودەزگەهێن حکوومەتا هەرێما کوردستان و عێراقێ دێ بیتە بهێنڤەدانا فەرمی.

ل دیف رۆژمێرا فەرمیا حکوومەتا هەرێما کوردستانێ، رۆژا چارشەمبی1ێ5ێ 2024، ب هەلکەفتا رۆژا جیهانی یا کرێکاران دێ بیتە بهێنڤەدانا فەرمی.

ل دیف رۆژمێرێ د هەیڤا ئایارێدا، تنێ ئەو رۆژ دێ بیتە بهێنڤەدانا فەرمی و چ بهێنڤەدانێن دی دخشتەیدا نینە.

رۆژا 1ێ ئایارێ، نزیکێ 80 وەڵاتێن جیهانێ بهێنڤەدانا فەرمیە و ل هندەک وڵاتان بیرئانینێ وێ رۆژێ ساخ دکەن.

ژ لایەکێ دی، لگورەی راگەهاندنەکا ئەمیندارێ جڤاتا وەزیرێن عێراقا فیدڕاڵ، ب هەلکەفتا ڕۆژا جیهانی یا کرێکاران 1ێ 5، ل دامودەزگەهێن حکوومەتا عێراقێ دێ بیتە بهێنڤەدانا فەرمی.

بەری نوکە جوتیار عادل، سەرۆکێ فەرمانگەها میدیا و زانیاری یا حکوومەتا هەرێما کوردستانێ بۆ (باسنیوز) راگەهاندبوو:”حکوومەتا هەرێما کوردستانێ رۆژمێریا خۆ هەیە، رۆژمێر ل سەر ماڵپەرێ فەرمیێ حکوومەتێ هەیە، ئەو بهێنڤەدانێن فەرمی ب بریارا حکوومەتێ و پەرلەمانێ کوردستانێ ب بهێنڤەدانێن فەرمی هاتینە دیارکرن، یێن تنێ هەلکەفتن و بهێنڤەدان نینە، ئاماژە پێ هاتیەدان.”

تُتاح هذه الصورة أيضا في: کوردی