“پشته‌ڤانيكرنا پرۆژێ رزگاربوويان د خزمه‌تا هه‌موو لايه‌كى دايه”
تۆرا لالش
پرۆژێ پشته‌ڤانيكرنا رزگاربوويان ژلايێ سه‌رۆكێ حكومه‌تا هه‌رێما كوردستانێ رێزدار مه‌سرور بارزانى ل هه‌فتييا ل هه‌ولێرا پايته‌خت هاته ڕاگه‌هاندن، فه‌رحان خه‌له‌ف ئه‌حمه‌د به‌رپرسێ نڤيسينگه‌ها لالش تايێ ته‌لبه‌ناتا كه‌ڤن بۆ تۆرا لالش يا راگه‌هاندنێ دبێژت، ئه‌ڤ پێنگاڤه گه‌له‌كا گرنگ و د جهێ خۆ دايه و ناڤهاتى د خزمه‌تكرنا ئێزدييان ده به‌رده‌وام ل سه‌ر هێلێ يه.
گۆتژى، د پرۆژه‌يى ده چه‌ندين خالێن گرنگ هاتينه نڤيسين ژوانژى دانا موچه‌يه‌كى بۆ رزگاربوويێن ئێزدى يێن ژ ده‌ستێ تيرۆرستێن داعش رزگاربووين و هه‌روه‌سان ڤه‌ديتنا ده‌رفه‌تێن كارى بۆ وان.
حكومه‌تا عيراقێ پشته‌ڤانييا رزگاربوويان نه‌كريه، به‌لێ حكومه‌تا هه‌رێما كوردستانێ به‌رۆڤاژى ئێزدى پشتگۆهـ نه‌هاڤيتنه و به‌رده‌وام پشته‌ڤانيێ ل ملله‌تێ مه دكه‌ت ئه‌ڤه‌ژى خاله‌كا گه‌له‌كا ئه‌رێنى يه و جيێ ئۆمێدێ يه.
ديتنا من ئه‌ڤ پرۆژه دێ به‌رفرا تر و پشته‌ڤانيكرنا ڤى پرۆژه‌يى پشته‌ڤانيكرنا ئێزديايه.
ل رێكه‌فتى 3.8.2014ێ رێكخراوا تيرۆرستييا داعش هێرشى ده‌ڤه‌رێن شنگالێ كر و ده‌هان كۆمكووژى ئه‌نجام دان و هه‌زاران كچ و ژن ره‌ڤاندن، حكومه‌تا هه‌رێما كوردستانێ هه‌ر ژ ده‌ستپێكێ ب هانا ئێزدييان ڤه هات و به‌رده‌وام ئێش و ئازار ژ ملله‌تێ مه كێم دكرن
تُتاح هذه الصورة أيضا في: کوردی