تۆرا لالـش
شاندهكی حكومهتا ههرێما كوردستانێ ل ههردوو وهزارهتێن ناڤخۆ و دارایـی، سهبارهت ڤهگهریانا ئارهزوومهندانه یا ئاواران و ئاڤهدانكرنا دهڤهرێن وان بریاره سهرهدانا بهغدا بكهن.
شنگال و دهشتا نهینهوا كو قهزایێن حهمدانیه و شێخان و شنگال بخۆڤه دگرن و زۆربهیا روونشتڤانێن ڤان دهڤهران ئێزدی و مهسیحی و توركمان و كوردێن شهبهك و عهرهبن و ژ كێمی یا خزمهتگوزاریان دنالن و نهبوونا ئهمنیهتێ ئهگهره ئاواره ڤهنهگهرنه سهر جهـ و وارێن خۆ.
د.سامی جەلال شیرهتكارێ وهزیرێ ناڤخۆ ل حكومهتا ههرێما كوردستانێ ڕاگههاند: ئێڤاریا ئیرۆ دووشهمبێ شاندهكی گرێدایی ب پرسا ئاواران و ڤهگهریانا وان بۆ جهـ و وارێن وان دێ سهرهدانا بهغداد كهن، شاند ژی پێكهاتیه ژ شیرهتكارێ وهزارهتا ناڤخۆ و رێڤهبهرێ گشتی یێ ژمێركاریێ ل وهزارهتا دارایی و رێڤهبهرێ ناڤهندی یێ ههڤپشك یێ قهیرانان
تـێ زانین شاندێ ناڤبری سوبهی سێشهمبێ دێ دگهل جێگرێ سهرۆكێ ئهنجوومهنێ ئاسایشا نشتیمانی یا عیراقێ ، دێ ل دۆر كهمپێن ئاواران ل ههرێما كوردستانێ ب تایبهت ئاوارێن شنگالێ ئاخڤن و دانوستاندنێ ل سهر ڤهگهریانا ئاواران یا ئارهزوومهندانه بۆ جهـ و وارێن وان ب رێكا جێبهجێكرنا رێككهفتنا شنگالێ و دهركرنا چهكدارێن بیانی و گرۆپێن چهكدار، ههڤدهم دابینكرن و جێبهجێكرنا خزمهتگوزاریان بۆ وان دهڤهران ل شنگالێ
تُتاح هذه الصورة أيضا في: کوردی