د چارچووڤێ به‌رده‌وامیا به‌رنامێ پشته‌ڤانیا گه‌نج و لاوێن وه‌رزشڤان یێن پارێزگه‌ها دهۆكێ، ئيڕۆ ئێك شه‌مبوويێ 14ـى كانوونا ئێكێ 2025، د. عه‌لی ته‌ته‌ر، پارێزگارێ دهۆكێ پێشوازی ل قاره‌مانێ كورد”بادین ئدریس حه‌سۆ زۆزانی”كر.

ب گۆڕه‌ى ڕاگه‌هاندنا پارێزگه‌ها دهۆكێ به‌ڵاڤكرييه‌، د ڕوونشتنه‌كێ دا پیرۆزباهی و ده‌ستخۆشی لێكر، كو كارى ل سه‌ر ئاستێ 47 وه‌ڵاتێن كیشوه‌رێ ئاسیا ل وه‌ڵاتێ ئه‌ڵبانیا د قاره‌مانیا بوكسینگێ دا ڕێزا ئێكێ و ناسناڤێ قاره‌مانیێ بده‌ستڤه‌بینت.

پارێزگارێ دهۆكێ ده‌ستخۆشی لێكر كو ب ئاڵایێ پیرۆزێ كوردستانێ پشكدارى د قاره‌مانیێ دا كری و دووه‌م ناسناڤ بده‌ستڤه‌ئینایى و پشته‌ڤانیيا ئیدارا پارێزگه‌هێ بۆ هه‌موو گه‌نجێن د پێشبركیێن جیهانی دا پشكدار دبن دوپاتكر.