تۆرا لالش
رێڤه‌به‌رييا كۆچ و كۆچبه‌ران و به‌رسڤدانا قه‌يرانا ل دهۆكێ داخوازا دابينكرنا گازا سپى بۆ ئاواره‌يێن شنگالێ ل كه‌مپان دكه‌ت.
ده‌یان پیر جه‌عفه‌ر، رێڤه‌به‌رێ كۆچ و كۆچبه‌ران و به‌رسڤدانا قه‌يرانا ل دهۆكێ بۆ تۆرا لالش دياركر، هه‌رسال ل ده‌ستپێكا هه‌يڤا 10 ئه‌م داخوازێ ل وه‌زاره‌تا كۆچ و كۆچبه‌رێن عێراقێ دكه‌ين گازا سپى بۆ ئاواره‌يێن شنگالێ ل كه‌مپێن سنوورێ پارێزگه‌ها دهۆكێ و ئيداره‌يا سه‌ربه‌خۆ يا زاخۆ دابين بكه‌ت.
ب گۆتنا ده‌یان پیر جه‌عفه‌ر، دڤيابا وه‌زاره‌تا كۆچ و كۆچبه‌رێن عێراقێ ب زوترين ده‌م گازا سپى ره‌وانه‌كربا داكو ل سه‌ر ئاواره‌يان دابه‌ش بكه‌ين، ژبه‌ركو سه‌قايێ هه‌رێما كوردستانێ يێ جودايه و زووتر سه‌رما ده‌ست پێ دكه‌ت.
ئه‌و چه‌نده رۆنكر، سالانه دڤێت هه‌ر سه‌رۆك خێزانه‌ك ل كه‌مپان 200 لترێن گازا سپى وه‌رگرت، ب مخابنى ڤه سالا بۆرى وه‌زاره‌تێ ب تنێ 100لتر دان و گۆت گه‌ڕا دويێ نه‌مايه.
12 سال ب سه‌ر جينۆسايدا ئێزدييان ل سه‌ر ده‌ستێ رێكخراوا داعش يا نيرۆرستى ل شنگالێ ده‌ربازبوون، هێشتا 270 هه‌زار ئاواره‌يێن شنگالێ ل 15 كه‌مپان ل پارێزگه‌ها دهۆكێ و زاخۆ د ژيانا ئاواره‌ييێ دا دژين.
تُتاح هذه الصورة أيضا في: کوردی