زێدەتری هەزار بۆمبەیان ل
میحوەرێ خازر هاتینە پووچكرن
تۆرا لالش یا راگەهاندنێ
فەرماندەیێ كەتیبە ئەندازەیا سەربازی سەر ب هێزێن پشتیوانیا ئێك رادگەهینت،زێدەتر ژ هەزار بۆمب و سێ تونێل و تۆپەكا تیرۆرستێن داعشێ ل ماوەیێ 10 رۆژێن بۆری دا هاتینە ژناڤبرن.
لیوامەحموود كاكەیی،ب مالپەرێ فەرمیێ پارتی دیموكراتی كوردستان راگەهاند:”تیمێن مە ل كەتیبەیا ئەندازەیا سەربازی سەر ب هێزێن پشتیوانیا ئێك،ل دەستپێكرنا پرۆسەیا ئازادكرنا 10 گوندێن سنوورێ میحوەرێ خازر، بەشداربوون و ل ئێكەم رۆژ دا كو ل 29ی هەیڤا بۆری هەتا ئیرۆ،هەزار و پێنج بۆمب لگەل شەش تروبێلێن بۆمبەرێژكری و شەش پشتینەیێن بۆمبەرێژكری یێ، تیرۆرستێن داعشێ مە پووچ كرینە و دەست هاتە گرتن ب سەر تۆپەك و شەش گوللـە تۆپ تایبەت كو دبێژنێ (تۆپا جەهەننەمی)”
كاكەیی گۆتژی:”هەتا نۆكە 3 تونێل مە دیتینە و پشكنین مە بۆ بۆرا كریە و پووچ كرینە، هەروەسا 60كم رێیان مە پاقژكرینە و رۆژانەش بەردەوامین ل سنوورێ میحوەرێ خازر ل وان گوندێن ل پشتی ئۆپەراسیۆنێن هێزێن پێشمەرگەی دا هاتینە ئازاد كرن”.
فەرماندەیێ كەتیبە ئەندازەیا سەربازی سەر ب هێزێن پشتیوانیا ئێك،بەحسێ وێ یەكێ ژی كر:تیمێن مە ل ماوەیێ 31رۆژا هەیڤا بۆری، (294) بۆمبێن چاندی و (2) پشتێنەیێن بۆمبەرێژكری یێن تیرۆرستێن داعشێ ل سەرجەم میحوەرێن دیتر یێن هێزێن پێشمەرگەی پووچ كرینە.
تُتاح هذه الصورة أيضا في: کوردی