نیپال.. فیل بۆ رزگارکرنا گەشتیاران دھێنە بکارئینان
WAAR-دهۆک:
لەھییان د دهما چەندین رۆژێن بۆری دا زێدەتری دوسەد کەسان ل باشۆرێ رۆژھەلاتێ ئاسیا کوشتینە و ل وەلاتێ نیپال، فیل بۆ رزگارکرنا گەشتیارێن بیانی دھێنە بکارئینان.
ئەسۆشیەیتد پرێس ئاشکرا کر؛ دوسەد و ھەژدە کەسان د ھەیاما چەندین رۆژێن بۆری دا ژ ئەگەرێ لەھییان و ھەروسا ھڕیانا ئەردی ل باکۆرێ ھندستانێ و ھەروەسا باشۆری نیپال و بەنگلادشێ، ژیانا خوە ژ دەست داینە و ب ملیۆنان کەسێن دی ل وان سێ وەلاتان دەربدەر بووینە.
ل دەڤەرا چیتوان یا نیپالێ و چەندین دەڤەرێن دی یێن وی وەلاتی، رێڤەبەرێن ھۆتێلان ژمارەکا مەزن یا فیلان بۆ رزگارکرنا گەشتیاران ئیناینە و رۆژانە گەشتیار و وەلاتی ل سەر پشتا فیلان ژ ناڤ لەھییان دھێنە دەرخستن.
تُتاح هذه الصورة أيضا في: کوردی