ئەرمەنستان: زمانێ کوردی ل پرۆگرامێ خواندنێ ھاتە زێدەکرن
waar – دهوك :
وەلاتێ ئەرمەنستانێ زمانێ کوردی وەکو ئێک ژ مادەیێن خواندنێ ل وی وەلاتی ل سەر پرۆگرامێ خواندنێ بۆ ئەڤ سالە زێدە کر.
ل گۆری راپۆرتەکا كۆڤارا رێیا تازە یا کوردی ل ئەرمەنستانێ، بریار ھاتە دان زمانێ کوردی وەکو وانەیەک ل سەر پرۆگرامێ خواندنێ یێ ئەڤسالە بھێتە زێدەکرن.
تیتالە ئەکرەم، سەرنڤیسەرێ كۆڤارا رێیا تازە ئاشکرا کر؛ نھا ل وان دەڤەرێن ئەرمەنستانێ یێ کورد نشین، زاڕۆ دشێن ب زمانێ خوە یێ دایکێ بخوینن، د دەستپێکا سالا نوو یا خواندنێ دا چەندین پرتۆکێن جۆرا و جۆر ب زمانێ کوردی ھاتینە چاپ کرن و بەلاڤ کرن.
ئالکسان مامە، سەرۆکێ پشکا کوردی یا ئێکەتییا نڤیسەرێن ئەرمەنستانێ، بۆ مالپەرێ ئارمەن پرێس ئاشکرا کرییه، ب کێماسی سێزدە پرتۆکێن کوردی بۆ رێزێن ئێکێ ھەتا دوازدێ ناڤەندی ھاتینە چاپ کرن، لێ مامۆستایێن پێدڤی بۆ گۆتنا وانەیان نینن، بۆ وێ مەرەمێ ژی پلانەک ھاتییە داریتن.
تُتاح هذه الصورة أيضا في: کوردی