شنێشل : رهوشا بیزاریێ ژ دۆراندنا بهرامبهر چاپانێ دهربازبوویه
waar – دهوك :
راهێنهرێ ههلبژارتیێ عیراقێ رازی شنێشل راگههاند ، یاریكهرێن تیمێ ژ وێ رهوشا بێزاریێ پشتی دۆراندنا ههلبژارتیێ چاپانێ دهربازبووینه، و ستافێ راهێنهریێ د ڤان دوو رۆژێن بۆری دا كارهكێ بهردهوام لسهر ڤێ چهندێ دگهل یاریكهران ئهنجامدایه و گۆت : مه پێداچوونهكا هیر لسهر یارییا ههلبژارتیێ عیراقێ بهرامبهر ههلبژارتیێ چاپانێ ژ ئالیێ بهرهڤانی و هێرشبرنێ ڤه كرییه ، و كار لسهر راستڤهكرنا شاشییان و خالێن لاواز هاتییه ئهنجامدان و برهنگهكی بۆ یارییا بهرامبهر ههلبژارتیێ تایلهند دووبارهنهبن .
زێدهتر رازی شنێشلی گۆت : یاریكهرێن مه د رژدن و باوهرییهكا مهزن ب تۆماركرنا سهركهڤتنێ لسهر ههلبژارتیێ تایلهندێ ههیه ، كۆ ل رۆژا سێ شهمبی ژ گهرا چارێ یا ڤاڤارتنێن ئاسیا بۆ مۆندیالا رۆسیا ل یاریگهها پاس یا ئیرانێ دێ هێته ئهنجامدان ، ژلایێ خۆڤه ئێكهتییا فوتبۆلا عیراقێ راگههاند ، كۆ ئامادهبۆنا پشتهڤانان ل یاریگههێ دێ یا بێ بهرامبهر بیت .
ههژی گۆتنێ یه كۆ تا نها عیراقێ سێ یاری ئهنجامداینه و دههر سێ یارییان دا ژی هاتییه دۆراندن بهرامبهر ئۆسترالیا و سعۆدیێ و چاپانێ و بێ خال ل رێزا بهری دووماهیێ ژ كۆما دووێ یا ئاسیا دهێت.
تُتاح هذه الصورة أيضا في: کوردی