باشترین جۆرێن گۆشتى بۆ ساخله‌ميا مرۆڤى ئه‌ڤه‌نه
K24 – هه‌ولێر:
گۆڤارێكى پزيشكى بريتانى ليستێكى تايبه‌تى به جۆره‌كانى گۆشت و باشترينيان بۆ ژيان و پاراستنى ته‌ندرووستى مرۆڤ خستووه‌ته‌ڕوو.
به گوێره‌ى ليسته‌كه، ئه‌م جۆره گۆشتانه باشترين جۆرى گۆشتن كه به سوودن بۆ ته‌ندرووستى دڵ و ماسولكه و سيستمى به‌رگرى مرۆڤ.
1-گۆشتى كه‌روێشك:
زانايانى بوارى پزيشكى سه‌رجه‌ميان له‌سه‌ر ئه‌وه كۆكن، كه گۆشتى كه‌روێشك باشترين جۆرى گۆشته مرۆڤ بيخوات. چونكه زۆر به ئاسانى هه‌رس ده‌كرێت و جه‌سته سه‌رجه‌م پێكهاته‌كانى ده‌مژێت. هه‌روه‌ها ده‌ركه‌وتووه ئه‌م جۆره گۆشته ريژه‌يه‌كى زۆرى پرۆتين و مادده‌ى به سوودى وه‌ك ئۆميگا 3ى تێدايه و گه‌رمۆكه‌شى كه‌من و هه‌ر 100 گرام له گۆشتى كه‌روێشك ته‌نيا 137 گه‌رمۆكه‌ى تێدايه.
2-گۆشتى ئه‌سپ:
گۆشتى ئه‌سپ به پاكترين و باشترين جۆرى گۆشت هه‌ژمار ده‌كرێت، چونكه ئه‌و گۆشته هيچ هۆرمۆنێك و مادده‌يه‌كى كيميايى تێدا نييه، كه سه‌ربكێشێت بۆ تووشبوون به شێرپه‌نجه. چونك ئه‌و ئه‌سپانه‌ى بۆ به‌رهه‌مهێنانى گۆشت به‌خێوده‌كرێن، ئاڵفه‌كه‌يان ته‌واو سرووشتييه و پشت به‌و ئاليكه نابه‌ستێت كه مادده‌ى كيميايى تێدا بێت.
3-گۆشتى ئاسك:
به‌شێكى زۆرى دانيشتوانى ناوچه‌كانى باكوورى رووسيا و وڵاتانى ئه‌سكه‌نده‌ناڤيا پشت به گۆشتى ئاسك ده‌به‌ستن و خۆراكى سه‌ره‌كييانه له رووى گۆشته‌وه. پزيشكان له‌و بڕوايه‌دان خواردنى ئه‌و گۆشته سوودێكى زۆرى هه‌يه و ئامۆژگارى خه‌ڵك ده‌كه‌ن زۆر به‌كارى بهێنن چونكه بڕێكى زۆرى ئاسن و ڤيتامين (بى) تێدايه، كه زۆر پێويسته بۆ ته‌ندرووستى مرۆڤ.
4-گۆشتى ماسى:
پزيشكان به‌رده‌وام جه‌خت له‌سه‌ر خواردنى گۆشتى ماسى ده‌كه‌نه‌وه چونكه دژه ئۆكسانى وه‌ك ئۆميگا 3ى تێدايه. هه‌روه‌ها بڕێكى زۆرى فوسفۆڕى پێويستى تێدايه كه كاريگه‌رى له‌سه‌ر كاركردنى مێشك و ده‌ماره‌خانه هه‌يه.
5-گۆشتى مريشك و قه‌ل:
گۆشتى سپى به يه‌كێك له جۆره گۆشته پڕسووده‌كان بۆ ته‌ندرووستى مرۆڤ هه‌ژمار ده‌كرێت.
چونكه بڕێكى زۆر پرۆتينى تێدايه و هه‌رچه‌نده زۆريش بخورێت، نابێته هۆى تووشبوون به‌و نه‌خۆشييانه‌ى به هۆى گۆشتى سووره‌وه تووشى مرۆڤ ده‌بن.
سه‌رچاوه: رووسياليه‌وم.
تُتاح هذه الصورة أيضا في: کوردی