ب بەشداریا 60 وه‌لاتان مه‌زنترين پێشانگه‌ها گەشتیاری ل هه‌ولێرێ دێ ئێته ڤه‌كرن
باسنیوز:
وەزیری شارەوانی و گەشتوگوزار ڕایگەیاند لە مانگی ئایار یەكەمین پیشانگای نێودەوڵەتیی گەشتیاری لە شاری هەولێر بە بەشداریی كۆمپانیا ناوخۆیی و بیانییەكان بكرێتەوە.
نەورۆز مەولوود، وەزیری شارەوانی و گەشتوگوزار لە کۆنفرانسێکی ڕۆژنامەنووسیدا ڕایگەیاند: “لە پلانیاندا هەیە لە مانگی ئایاردا پیشانگایەكی نێودەوڵەتی بە ئامادەبونی زۆربەی كۆمپانیا بیانیا و ناوخۆییەكان لەسەری ئاستی ڕۆژهەڵاتی ناوەڕاست بۆ ناساندنی گەشتوگوزاریی هەرێمی كوردستان بکەنەوە.”
ئەو وەزیرەی حکوومەتی هەرێمی کوردستان گوتیشی: “لەمەودوا بڕیاریشمان داوە لە 20% داهاتی شوێنە گەشتیارییەكان بەكار بهێندرێتەوە بۆ خزمەتگوزاری بۆ شوێنە گەشتیارییەكان.”
هاوکات نادر ڕۆستی گوتەبێژی دەستەی گەشتوگوزار ڕوونی كردەوە پیشانگاكە لەلایەن كەرتی تایبەت بەرێوە دەچێت و هەوڵ دەدەن كۆمپانیا جیهانییەكان و هوتێل و شوێنە گەشتیارییە ناوخۆیی و جیهانییەكان لەم پێشانگایەدا بەشدار بن، ئامانج لە كردنەوەی ئەم پێشانگا نێودەوڵەتییە ناساندنی گەشتوگوزاری هەرێمە بۆ وڵاتان و كۆمپانیا بیانییەکان.”
لەلایەکی دیکەشەوە جەمال شێخ مەموندی، خاوەنی كۆمپانیای گەشتیاری گوتی: “ئامادەكاریمان كردووە بۆ پێشانگاكە و لە بەرنامەماندا هەیە ئەو پێشانگایە بکەینە ساڵانە و بۆ پێنج ساڵ بەردەوام دەبین، هەر بۆ ئەو مەبەستەش داوەتنامەمان بۆ نزیكەی 60 وڵات ناردوە كە كۆمپانیا گەشتیارییەكانیان لەو پێشانگایەدا بەشدار بن.
تُتاح هذه الصورة أيضا في: کوردی