ڤەکۆلینەکا نوو مەفایەکا دن ئا شووشتنا دەستان دیار کر
ئێن ئارتى
ڤەکۆلینەکا نوو ئاماژە ب وێ یەکێ کریە کو شووشتنا دەستان تەنێ ژبۆ پاقژکرنێ مەفایا وێ نینە، بەلکی دبە کو ببە سەدەما رزگاربوونا مێژی ژ هزرەکە کەڤن و جار دن رێکبخە.
ڤەکۆلینەک ژلایێ هژمارەک ڤەکۆلینەرێن کۆلێژا رۆتمان بەشا کارگێری ل زانینگەها تۆنتۆ هاتیە ئەنجامدان، کو دیار دکە شووشتنا دەستان و پاقژکرنا وان ئالیکارە د رێکخستنا مێژی و هزرێن کەڤن دە.
ڤەکۆلینەر راببوون ب ڤەکۆلینکرنا باندۆریا دەست شووشتنێ لسەر کارێن مێژی ئەوێن کو تێدە هزر ژ هەڤ تێن جودا کرن.
ڤەکۆلینەران چار تاقیکرن ئەنجامدان کو ب راکێشانا بالا بەشداربوویان بۆ هنەک ئارمانجێن دیاریکری دەستپێکربوو، ئەڤ ژی ب پشت گرێدان ب لیستۆکا پەیڤسازیێ یان ژی کارێ خوە بەرهەڤکرنێ کو باندۆری لسەر بریاردانێ هەبە.
ئەو کەسێن کو دەستێن خوە شووشتبوون، بالا وان لسەر ئارمانجا یەکەمین کێمتر بوو ب هەڤبەر دگەل ئارمانجا دوویەمین، واتە ئەو کارێن کو بەرێ ئەنجامدابوون ئاستا هورگلیێ تێدە کێمتربوو.
بینگ دۆنگ کو خوەندەکارەکێ دکتۆرایێ یە د ئالیێ بازارکرنێدە، ئاماژە ب وێ یەکێ کر کو ئەو ڤەکۆلین گرینگیا بێتر ب باندۆریا شووشتنا دەستان ددە د دەمەکێ کورتدە ل شوونا دەمەکە درێژ، ئەڤ ژی ب مەراما گەهشتن ب ئارمانجەکە دیاریکری.
ئارمانجێن ڤێ ڤەکۆلینێ ئاماژە ب وێ یەکێ دکن کو کارێ شووشتنا دەستان دبە سەدەما جار دن ئاراستە کرنا هزرکرنێ دوور ژ ئارمانجێن کەڤنێن بەرێ داکو د ئارمانجا نوو دە بێتر هوورگلی ببن.
ڤەکۆلینەکە دن ئا نوو کو ل زانینگەها مێشیگان هاتبوو ئەنجامدان، خویا ببوو کو شووشتنا دەستان دبە سەدەما نەهێلانا گومانێ ل جەم مرۆڤان دەربارێ وان بژاردەیان کو هەر رۆژ راستی وان تێن، هەر وها وێ ڤەکۆلینێ پێشنیازا خوە شووشتنێ کر بەری ئەنجامدانا بریارێن گران.
تُتاح هذه الصورة أيضا في: کوردی