مەیمونەکێ کەهەرەبا باژێرەکێ گەشتیاری بری
ئێن ئارتى
کۆمپانیا کەهرەبا حکومەتا ولاتێ زامبیا راگەهاند، کو مەیمونەکا ژ جۆرێ بابون یارى ب محاویلەیەکێ ویستگەها ئاڤ و کەهرەبێ کریە و بوویە ئەگەرێ برینا کەهرەبا باژێرەکێ گەشتیارى.
ئەو ویستگەها کەهرەبێ دکەڤیتە لیڤینگستۆن، کو باژێرەکێ گەشتیارییە و وێ ویستگەهێ شیانێن بەرهەئینانا کۆژمێ ١٠٨ مێگاواتان هەیە و ب بنکەیێ وان گەشتیاران دهێتە دانان کو سەرەدانا تاڤگەیێن ڤیکتۆریا دکەن.
لگۆر گوتنێن کۆمپانیا زیسکۆ، کو خودانا وێ ویتسگەهێ یە، وێ مەیمونێ ئێک ژ محاویلێن شیانا هێزێن کەهرەبا ویستگەهێ ژ کارئێخستیە و ئەو چەندە ژى بوویە ئەگەرێ برینا نێزیکى ٤٠ هزار بکارهێنەران بۆ دەمێ ٥ دەمژمێران.
پەیڤدارێ کۆمپانیا کەهرەبێ گوت ژى “ئەو مەیمون کەتیە بەر تەزوویا کەهرەبێ و رادەستی بەرپرسێن ژینگەها سروشتى هاتیە کرن، بۆ چارەسەرکرنێ “ئاماژە ب وێ چەندێ ژى کر، کو وێ مەیمونێ شانس هەبوو کو د ژیانێدا مایە”.
سالا بهورى ژى، د رویدانەکا بڤی ئاوایدا مەیمونەک ببوو ئەگەرێ برینا کەهرەبا بەشەکێ زۆرێ ئاکنجیێن ولاتێ کینیا.
هـ.س
تُتاح هذه الصورة أيضا في: کوردی