زارۆك ژى تووشی خەمۆکيێ دبن
رووداو-سلێمانی
خەمۆکی تەنیا نەخۆشی کەسانی پێگەیشتوو نییە، بەڵکو تووشی منداڵ و نەوجەوانانیش دەبێ، پرۆفیسۆرێکی ئەڵمانی وادەڵێ.
جێرد شۆڵتە، پسپۆڕی دەروونپزیشکیی منداڵ و نەوجەوانان، دەڵێ نیشانەکانی خەمۆکی منداڵان بریتین لە گۆشەگیری، ئارەزوو نەبوون لە تێکەڵیی و هاوڕێیەتی منداڵانی دیکە، سەرنەکەوتن لە قۆناخەکانی خوێندن، متمانە نەمان بە خۆ، خەمباری و خۆ بەکەمزانین.
پسپۆڕە ئەڵمانییەکە دەڵێ ئەگەر ئەو نیشانانەی باسکران دوو هەفتە و زۆرتر بەردەوام بوون، دەبێ راوێژ بە پزیشکی پسپۆڕی دەروونی بکرێ و هەر زوو چارەسەربکرێ.
پرۆفیسۆر شۆڵتە دەڵێ زوو دەستنیشانکردنی خەمۆکی منداڵان؛ چاکبوونەوەیان خێرادەکات، متمانەیان بە خۆیان بۆ دەگێڕێتەوە، بیرە نەرێنییەکانیان ناهێڵێ و ئەو هۆکارانە بنەبڕدەکات کە دەبنەهۆی خەمۆکی.
جەختیشیکردووەتەوە کە دەبێ خێزان و کەسانی نزیکی منداڵە خەمۆکەکە بەشداری لە چارەسەرکردنی بکەن.
تُتاح هذه الصورة أيضا في: کوردی