جلكێن نوو بێ شوشتن لبەر نەکەن
رووداو-سلێمانی
بەشێک لە خەڵکی وایدەبینن ئەو جلوبەرگەی بە تازەیی دەیکڕن، پێویست بە شوشتن ناکات و خاوێنە، بەڵام پزیشکەکان زیاتر لە هۆکارێک دەبیننەوە بۆ ئەوەی جلە نوێیەکانیشت بشۆی.
دۆناڵد بیڵسیتۆ، پرۆفیسۆری نەخۆشییەکانی پێست لە نێوەندی پزیشکیی زانکۆی کۆڵۆمبیای ئەمریکا، دەڵێ ئەو جلوبەرگەی نوێیە و دەیکڕی، دەبێ سەرەتا بیشۆی، ئەوسا لەبەری بکەی.
پسپۆڕەکەی نەخۆشییەکانی پێست دەڵێ دوور نییە لە جلوبەرگی نوێی نەشۆردراوەوە تووشی چەندین گرفتی پێست ببی، لەوانە؛ هەستەوەری، گەڕی و کەڕووی پێست.
بێڵتیسۆ دەڵێ ئەوکەسەی جلوبەرگێکی نوێ دەکڕێت، نازانێ رابردووی ئەو جلوبەرگە چۆنە و چۆن مامەڵەی لەگەڵ کراوە. هەروەک دەڵێ بەشێک لەو جلانە لەلایەن چەندین کەسەوە تاقیکراونەتەوە و دوور نییە بەشێک لەوانەی تاقییانکردووەتوە، نەخۆشی پێستیان هەبووبێ.
لیندسی بۆردۆن، پزیشکی نەخۆشییەکانی پێست لە هەمان نێوەند، دەڵێ لەکاتی بارکردندا، جۆرەها ماددەی پارێزەر دەڕژێندرێن بەسەر جلەکاندا تاکو لە بۆگەنکردن و خراپبوون بیانپارێزن، ئەو ماددانە ئەگەر بەر پێست بکەون، زیانبەخشن.
تُتاح هذه الصورة أيضا في: کوردی