هەوايێ پیس هۆکارهكى جەلتا دلى و مێشکى يه
رووداو-سلێمانی
توێژینەوەیەکی نوێ لە ئەمریکا دەڵێ ئەو رۆژانەی هەوا پیسترە و بڕێکی زۆرتر لە تۆز و دەنکۆڵەی وردی تێدایە، ژمارەیەکی زۆرتر لە خەڵکی بەهۆی تووشبوون بە جەڵتەی دڵ و مێشک دەگەیێندرێنە نەخۆشخانەکانی فریاکەوتن.
بەپێی توێژینەوەکە لەو ناوچانەی بەهۆی ئاگرکەوتنەوەی دارستانەکانی کالیفۆرنیا دووکەڵ و گەردێکی زۆر لە هەوادا بڵاوبووەتەوە، ژمارەی تووشبووان بە جەڵتەی دڵ لەنێو خەڵکی بەگشتی 15% و لەنێو کەسانی بەتەمەن بە راددەی 42% زیادیکردووە.
هەروەها تووشبوون بە جەڵتەی مێشک و حاڵەتە کتوپڕییەکانی دیکەی بۆڕییەکانی خوێن لەو رۆژانەی هەوا زۆر پیسبووە لەنێو خەڵکی بە گشتی بە راددەی 17% و لەنێو کەسانی بەتەمەن بە راددەی 22% زیادیکردووە.
کاتێک هەوا بە دووکەڵی ئاگرکەوتنەوە و دووکەڵەکانی دیکە پیسدەبێت، رێژەی گازی یەکەئۆکسیدی کاربۆن، دوانۆکسیدی نایترۆجین و گەردە پیسکەرەکانی هەوا بەرزدەبێتەوە، هەریەک لەوانەش مەترسیی بۆ سەر سییەکان، دڵ و بۆڕییەکانی خوێن دروستدەکەن.
تُتاح هذه الصورة أيضا في: کوردی