نوشداره‌ك مه‌زنترين ئه‌گه‌رێن نه‌خۆشيێن ده‌روونى به‌حس دكه‌ت
نوش نیوز:
نه‌خوشیا ده‌رونى ئه‌و نه‌خوشیه یه ئه‌وا ب نه‌خوشیه‌كا گران و ئالوز دهێته نیاسین و رۆژانه ل نه‌خوشخانا ئازادى كه‌سێن نه‌خوشیێن ده‌رونى هه‌ین ب رێًژه‌كا بلند دهێنه دیتن و نوژداره‌ك ژى ئه‌گه‌رێ هاتنا ئه‌ڤێ نه‌خوشیێ ب رێكا نوش نیووز دیاردكه‌ت.
د. عه‌دنان ئه‌سعه‌د سه‌رۆكێ پشكا ده‌روونى ل نه‌خوشخانا ئازادى بۆ نوش نیوز دا دیاركرن: رۆژانه پتر ژ نه‌خۆشیا ده‌روونێ يا تێكچوونا (ره‌فتارێن مرۆڤى یان هزرا مرۆڤى، یان هه‌ست و سوزێن مرۆڤى) نه ئه‌ڤجا دبیت ئه‌و هه‌رسێ پێكڤه تێك بچن یان ئێك ب تنێ تێك بچیت و نه‌خۆشیا ده‌روونى دروست ببیت.
ئه‌گه‌رێ نه‌خۆشیا ده‌روونى بۆ گه‌له‌ك ئه‌گه‌ران د زڤریت، لێ هنده‌ك ئه‌گه‌ر هه‌نه د سه‌ره‌كى نه مینا (جینات و كارتێكرنا مرۆڤى و تایبه‌تمه‌ندیا مرۆڤى) ئه‌گه‌رن ئه‌ڤ نه‌خۆشیه دروست بیت و ژ لایه‌كێ دیتر ڤه (ئه‌و كه‌سێن فێربوويى بن مینا خوانده‌وار بن ئه‌و پتر د دوورن ژ نه‌خوشیا ده‌روونى و ئه‌و كه‌سێن نه‌خوێنده‌وار نێزیكترن بۆ ئه‌ڤێ نه‌خۆشیێ و نه‌خۆشیا ده‌روونى ل ده‌ف هه‌ژاران زێده‌تره ژ مرۆڤێن زه‌نگین و ده‌وله‌مه‌ند و دیسان شه‌ر ژى ئه‌گه‌رن بۆ هاتنا ئه‌ڤێ نه‌خۆشیێ و ئه‌گه‌ره‌كێ دیتر یێ هاتنا نه‌خۆشیا ده‌روونى هه‌ر جوره‌كێ قه‌یرانێ بیت مینا قه‌یرانا نوكه).
ناڤبرى ئه‌و چه‌نده دا زانين كو رۆژانه نێزیكى (100) كه‌سان سه‌ره‌دانا شیره‌تكاریا نه‌خۆشیێن ده‌روونى ل نه‌خۆشخانا ئازادى دكه‌ن و پتریا وان كه‌سان د ژیێ د ناڤبه‌را (15 هه‌تا 35) سالیێ دانه و گۆت: “هیڤیا مه ژ هه‌موو كه‌سان ئه‌وه خوه ژ هزركرنێ و هزرێن كوور و خراب دوور بكه‌ن هه‌تا كو تووشى نه‌خۆشیا ده‌روونى نه‌بن”.
تُتاح هذه الصورة أيضا في: کوردی
