گەنجەكی ئێزدی ئەپلیكەیشنەك چێكر
تۆرا لالش یا راگەهاندنێ
گەنجەكی ئێزدی ل بوارێ ئەلكترۆنی دا كار دكت و خوەدی چەند پرۆژێن ئەلكترۆنی یە،هەتا نهۆ ژمارەكا ویب سایتان دگەل ئەپلیكەیشنان چێكرینە و ل هەفتیا بۆری ئەپلیكەیشنەكا نوو بناڤێ(darwesh tv)بەلاڤكر.
گەنجێ ئێزدی(دەروێش ئێزدین) قوتابیێ كولیژا جوگرافی ل زانكۆیا دهۆكێ یە ل بوارێ ئەلكترۆنی دا كاردكت،بۆ رۆژناما دەنگێ لالش ئاشكەراكر،ئەڤە ماوێ چەند سالایە ئەڤ بەهرە هەیە و ڤی كاری دكەم و ل سالا (2015)ێ دەست ب كارێ ئەلكترۆنی كریە و ئێكەم ئەپلیكەیشن چێكری یاریەكا ئەكشن بوو قارەمانیا خۆشمێرێن ئێزدی تێدا دیاردبوو ل دەما ل دژی تیرۆرستێن داعشێ دجەنگین،لدوڤ دا ژی ژمارەكا ویب سایتێن ئەلكترۆنی دگەل ئەپلیكەیشنان بۆ چەندین دەزگەهێن راگەهاندنێ ب شێوازەكی هەرە باش چێكرینە،هەروەسا ل هەفتیا بۆری ئەپلیكەیشنەكا نوو بناڤێ(darwesh tv)بەلاڤكر كو ب دیزاینەكا هەرە باش و پێشكەفتی هاتیە چێكرن كو ب رێیا وێ دكاری بینەریا ژمارەكا مەزن یا كەنالێن نووچەیان و وەرزشی و هۆنەری و دكیۆمێنتاری و جڤاكی بكەی.
دەروێشی گۆت:خوەدی چەندین پرۆژێن ئەلكترۆنی مە لێ هەتا نهۆ هیچ جیەكی پشتەڤانیا وی نەكریە،دخوازم گرنگیدان و پشتەڤانی بۆ كەسێن بەهرەمەند هەبت،داكو بكارن كارێن مەزنتر ئەنجام بدەن و خزمەتا وەلاتێ خۆ بكن.
تُتاح هذه الصورة أيضا في: کوردی