شهش باژێرێن جیهانێ دێ بنئاڤ بن
گاڤ نیوز
ترس ل سهر شهش باژێرێن جیهانێ ههیه كو ب ئهگهرا بلندبوونا پلا گهرماتیێ بنئاڤ ببن، لێكۆلینان ئاماژهدایه، دبیت لههیا چهرخی ب هندهك باژێرێن جیهانێ بكهڤیت و بنئاڤ بكهت.
شهنگهای – چین
ل وی باژێرێ چینی 93 ملیۆن كهس دژین، ل گۆرهى لێكۆلینێن رێكخراوا كهشناسیا ناڤهندی یا زانستی، دبیت ئهو باژێر بكهڤیته بهر پێلێن لههیێن زهریایی و تا سالا 2050 بنئاڤ ببیت.
هاناو- ڤیتنام
ل وی وهلاتی سێئێكا خهلكی ل سهر وی عهردی دژین یێن ترسا لههیێن ئاڤا ب خۆێ ههی كو تا سالا 2050 بنئاڤ ببیت و ب تایبهت ل بهراڤێت پری مرۆڤ ل دهردوری پایتهختێ ڤیتنامێ هانوی.
كالكوتا- هندستان
ترس ههیه ل هندستانێ ئاستێ دهریای بلند ببیت كو ژیانا 36 ملیۆن كهسان تا سالا 2050 بێخیته د مهترسیێ دا و ههروهسا ترسا ههره مهزن ل ههرێمێن بنگال و ئودیشا و ب ههمان شێوه ترسهكا مهزن ل سهر دهڤهرا رۆژههلاتێ كولكاتا ههیه.
بانكۆك- تایلهند
پترى 10 ژ سهدێ یا وهلاتیێن تایلهند ل وی جهی دژین یێن ترسا بنئاڤبوونێ لسهر ههی، كو پایتهختێ وێ یێ سیاسی و بازرگانی بانكۆك تنێ مهترهك و نیڤا ئاستێ وێ ژ دهریای بلندتره.
ئهسكهندهریه- مسر
ب ئهگهرا لههیان دبیت شینوارێن مسرێ بهرزه ببن، ئهسكهندهریه ژ ئالیێ ئهسكهندهرێ مهزن بهری پتری 2000 سالان هاتیه دانان، پتریا خهلكێ وێ كو گههیته 5 ملیۆن كهسان ل وان دهڤهران دژین كو ئاستی بلنداهییا وێ نزمتره ژ ئاستێ دهریایا ناڤهراست و شارهزایان ئاماژه دایه بێ كو مایتێكرن د لههیان دا ههبیت، نه دیره تا سالا 2100 پرانیا وی باژێری بنئاڤ ببیت.
بهسرا- ئیراق
ل گۆرهی نڤیسینگهها كهشناسیا ناڤهندی یا بهسرا كو ب دووهم مهزنترین پارێزگهها ئیراقێ دهێته ناڤ كرن، ترس ههیه ئهو پارێزگههه ب ئهگهرێ لههیێن بهراڤێن ئاڤێ تا سالا 2050 بنئاڤ ببیت، ئهگهر ژى ژ دهرڤهی سنۆرێ ئیراقێ نه.
تُتاح هذه الصورة أيضا في: کوردی