تۆرا لالش
ڤەکۆلینێن نووی یێن پزیشکی دیار دکەن کو زێدە خوارنا شەکرێ دبتە ئەگەرێ چەندین نەخوشیێن مەترسیدار، ل دووڤ راپۆرتێن پزیشكی خوارنا شەکرا زێدە راستەوخۆ گرێدایە ب زێدەبوونا مەترسیا قەلەویێ، نەخوشیا شەکرێ، نەخوشیێن دلی و هەتا پەنجەشێرێ ژی.
پسپۆر دیار دکەن کو شەکرا زێدە کارتێکرنەکا نەرێنی ل سیستەمێ بەرگریا لەشی دکەت، کو ئەڤە ژی دبتە ئەگەرێ زێدەبوونا مەترسیا تووشبوونا نەخوشیێن بەکتریایی و ڤایرۆسی.
هەروەسا، ڤەکۆلینێ ئاشکرا کریە کو پەیوەندیەکا راستەوخۆ هەیە دناڤبەرا زێدە خوارنا شەکرێ و پیربوونا پێشوهخت ده، پسپۆران گۆت کو شەکرا زێدە دبتە ئەگەرێ هشکبوونا پیستی و کارتێکرنێ ل مەتاتیا وێ دکەت، ب تایبەت دەمێ ئاستێ شەکرێ د خوینێ دا بلند دبت.
ژ بۆ تەندروستیا ددانان ژی، پسپۆران هشیاری دا کو شەکر یەک ژ سەرەکیترین ئەگەرێن کرمیبوونا ددانانە، وان ئاماژە ب تاقیکرنەکێ کر کو دیار دکەت چەوا کۆکا کۆلا کارتێکرنەکا نەرێنی ل ددانان دکەت.
ئەڤ راپۆرتە گرنگیا کێمکرنا خوارنا شەکرێ دیار دکەت ژ بۆ پاراستنا تەندروستیێ و دوورکەتن ژ نەخوشیێن درێژخایەن.
تُتاح هذه الصورة أيضا في: کوردی