تۆرا لالش
خوارنێن سۆر تێدا ماددێن لیكۆپین و كیرسیتین و گه‌له‌ك ماددێن خۆراكی یێن دی هه‌نه كو یارمه‌تیا ساخله‌میا دلی دده‌ن، ل دویڤ مالپه‌را (India.com)، پێدڤیه نه‌خۆشێن دلی هه‌رده‌م راوێژێ ب پزیشكێ خۆ بكه‌ن به‌ری كو گۆهۆرینان د سیسته‌مێ خوارنا خۆدا بكه‌ن.
ئه‌ڤه لیستا باشترین خوارنێن سۆر كو دشێن یارمه‌تیا ساخله‌میا دلی بده‌ن:
١– باجان سۆر: تێدا رێژه‌كا بلند یا ڤیتامین A و C هه‌یه، و ماددێ لیكۆپین یێ تێدا هاریكاریا باشتركرنا ساخله‌میا دلی ددەت.
٢– بیبه‌را سۆر: بیبه‌را سۆر ده‌وله‌مه‌نده ب دژه-ئۆكسیدانتان، كو دكارن هاریكاربن بن بۆ كێمكرنا مه‌ترسیا نه‌خۆشیێن دلی، هه‌روه‌سا تێدا پۆتاسیۆم و تایبه‌تمه‌ندیێن دژی-هه‌وكرنێ هه‌نه.
٣– شێلم: تێدا نیترات هه‌یه، و هه‌وكرنێ د ده‌مارێن خوینێدا كێم دكه‌ت، و لڤینا خوینێ باشتر دكه‌ت، و ب ڤی ره‌نگی گه‌هشتنا ئۆكسجینێ بۆ هه‌می خانه‌یێن له‌شی باشتر دبت.
٤– هنار: خوارنا هناری ب رێكوپێكی دكارت هاریكار بت بۆ كۆنترۆلكرنا ئاستێن كۆلیسترۆلی كو ساخله‌میا ده‌مارێن خوینێ باشتر دكه‌ت.
٥– سێڤ: فێقیه‌كه ده‌وله‌مه‌نده ب ریشالان، و تێدا ماددێن كیمیایی یێن روه‌كی هه‌نه كو كار دكه‌ن بۆ كێمكرنا رێژا كۆلیسترۆلی و هه‌وكرنێ و باشتركرنا ساخله‌میا دلی.
٦– گێلاس (كرز) گێلاس ب ناڤوده‌نگه كو ده‌وله‌مه‌نده ب دژه-ئۆكسیدانتان، كو دشێت مه‌ترسیا زیانا خانه‌یان كێم بكه‌ت و پاراستنا دلی بكه‌ت، هه‌روه‌سا ماددێ پۆتاسیۆمێ یێ تێدا دشێت یارمه‌تیێ بده‌ت بۆ كۆنترۆلكرنا په‌ستانا خوینێ ژی.
تُتاح هذه الصورة أيضا في: کوردی
