بریتانیا ده‌نگ بۆ جودابوونێ ژ ئێكه‌تییا ئه‌ورۆپا دا
وار
ئه‌نجامێن فه‌رمیێن ریفراندۆما بریتانیا هاتنه راگه‌هاندن و گه‌لێ وێ ده‌نگ بۆ جودابوونا وه‌لاتێ خوه ژ ئێكه‌تییا ئه‌ورۆپا دا.
ئه‌ڤرۆ سپێدێ ئه‌نجامێن فه‌رمی و داویێ یێن ریفراندۆما بریتانیا هاتنه راگه‌هاندن و سه‌دێ 51 پۆینت 9 به‌شداربوویان كو دبنه 17 ملیۆن و 228 هزار كه‌س، ده‌نگ بۆ جودابوونێ ژ ئێكه‌تییا ئه‌ورۆپا دان، ل به‌رانبه‌ری رێژه‌یا سه‌دێ 48 پۆینت ئێك ئانكو 16 ملیۆن كه‌سان كو ده‌نگ بۆ مانا وه‌لاتێ خوه د ئێكه‌تییا ئه‌ورۆپا دا داینه.
د وێ ریفراندۆمێ دا كو دوهی هاتییه كرن، سه‌دێ 72 یا وه‌لاتیێن بریتانیا به‌شداری تێدا كربوو.
ل گۆری راپرسیێن پێشتر، جوداهییه‌كا كێم ل ناڤبه‌را داخوازا مانا د ئێكه‌تییا ئه‌ورۆپا و جودابوونا ژ وێ ئێكه‌تیێ دا هه‌بوو.
ده‌یڤێد كامیرۆن سه‌رۆكوه‌زێرن بریتانیا ریفراندۆم ل بن فشارا پارتا خوه یا پارێزگار راگه‌هاندبوو و دبینیت، ده‌ركه‌فتن دێ ئابۆرییا بریتانیا هه‌لوه‌شینیت، لی داخوازكارێن جودابوونێ دبینن دێ ئابۆری بریتانیا بهێزتری لێ هێت.
تُتاح هذه الصورة أيضا في: کوردی
