بارزانی: ده‌م هاتییه گه‌لێ كوردستانێ خوه‌دی سه‌روه‌ری و كیانه‌كێ تایبه‌ت بیت
وار
سه‌رۆكێ هه‌رێما كوردستانی راگه‌هاند؛ دۆست و هه‌ڤپه‌یمانێن گه‌لێ كورد ل هه‌موو جیهانێ هه‌نه و پشته‌ڤانیێ ل مافێنت سرۆشتی یێن كوردان دكه‌ن و ده‌م هاتییه گه‌لێ كوردستانی ژی، وه‌كو ملله‌تێن د
ی یێن جیهانێ، خوه‌دی سه‌روه‌ری و كیانێ خوه بن.
بارزانی ئاماژه كرییه گه‌لێ كورد قاره‌مانانه ل هه‌مبه‌ری هێرشا تیرۆرستان و فشار و دۆرپێچێن جوراوجور راوه‌ستان و كچ و كورێن كوردان د شه‌ڕی تیرۆری دا، جیهان حێبه‌تی كر و بوونه نموونه‌یا گیان فیدایی و ئازایه‌تیێ و تا هه‌تایێ بوونه جهێ شانازیێ.
بارزانی ئه‌ڤ چه‌نده د په‌یامه‌كێ دا راگه‌هاند كو ژبۆ خولا 35 یا ده‌رچوونا قوتابیێن زانكویا سه‌لاحه‌دین به‌لاڤكربوو و تێدا ئاماژه‌كرییه كو نوكه گه‌لێ كورد به‌رگریی ژ بهایێن بلندێن مرۆڤایه‌تیێ دكه‌ن و ڤێ یه‌كێ ژی، پێگه‌هێ گه‌لێ كورد ل ئاستێ جیهانێ بلند كرییه و ئێدی كورد ل هه‌موو جیهانێ خوه‌دی دۆست و هه‌ڤپه‌یمانن كو پشته‌ڤانیێ ل مافێن سرۆشتی یێن كوردان دكه‌ن و ده‌م هاتییه گه‌لێ كوردستانی ژی، وه‌كو ملله‌تێن دی یێن جیهانێ، خوه‌دی سه‌روه‌ری و كیانێ خوه بن، داكو بشێن لسه‌ر پێن خوه راوستن و به‌ره‌ڤ پێشڤه بچن.
د داویا په‌یاما خوه‌دا سه‌رۆكێ هه‌رێما كوردستانێ، پشته‌ڤانیا خوه‌یا ته‌مام ژبۆ زانكو و قوتابیێن كوردستانێ راگه‌هاندییه و دیاركرییه، پێدڤییه ب بزاڤێن هه‌موو ئالییان، ئاستێ زانستی یێ زانكویێن هه‌رێمێ، بگه‌هیته ستانداردێن جیهانی و حكومه‌ت و كه‌رتێ تایبه‌ت ژی، كاری ژبۆ قوتابیێن ده‌رچوویی ببینن.
تُتاح هذه الصورة أيضا في: کوردی
