بزاڤا كۆده‌تایا توركیا دێ ئارمانجێن ئه‌مریكا ل رۆژهه‌لاتا ناڤین گوهڕیت
وار
شاره‌زایێن جیهانێ بزاڤا كۆده‌تایا سه‌ربازی ل توركیا ب گه‌ف ل سه‌ر هێرشێن واشونتون بۆ سه‌ر داعشێ دزانن و دیاردكه‌ن؛ بزاڤا كۆده‌تایێ دێ ئارمانجێن ویلایه‌تێن ئێكگرتی ل رۆژهه‌لاتا ناڤین گوهۆڕیت.
ویلایه‌تێن ئێكگرتیێن ئه‌مریكا ب فه‌رمی پشته‌ڤانییا خوه بۆ ره‌جه‌ب ته‌یب ئه‌ردۆگان، سه‌رۆككۆمارێ توركیا راگه‌هاند و دوپاتی ل سه‌ر باشتركرنا په‌یوه‌ندیێن ئه‌نقه‌ره و واشونتون كرییه، ژ ئالییه‌كێ دی ڤه، وه‌زیرێ ده‌رڤه‌یێ ئه‌مریكا جۆن كێری، ئاشكراكر؛ ئه‌مریكا ب هووری ته‌ماشه‌یی روودانێن كۆده‌تایا توركیا دكه‌ت، هه‌روه‌سا پشته‌ڤانییا ته‌ماما واشنتون بۆ حكومه‌تا دیموكراتی دیاركر.
لگۆری شاره‌زایان، ژ ئه‌نجامێ بزاڤا كۆده‌تاچییان، توركیا و ویلایه‌تێن ئێكگرتی دێ تووشی تێكچۆنا سیاسی و ئابۆری بن، ئه‌ڤه ژی دێ بیته ئه‌گه‌رێ تێكچۆنا سوپا و هێزێن ئێمناهییا توركیا ژی كو ترس ژ گه‌فێن هێرشكرنا سه‌ر داعشێ هه‌بیت، هه‌روه‌سا دێ ره‌نگڤه‌دانا خوه ژی دژی هێزێن كوردی ل باكۆر هه‌بیت و ترسا وێ یه‌كێ ژی هه‌یه چه‌كدار و توندڕێ ب رێكا سنۆرێن سووریا قه‌ستا توركیا بكه‌ن.
هه‌روه‌سا شاره‌زا پێشبینییا وێ یه‌كێ دكه‌ن، كۆده‌تایه‌كا شكه‌ستی دێ كارتێكرنێن نیگه‌فتیڤ ل سه‌ر پاشه‌رۆژێ كه‌ن، ل دمه‌كی توركیا پڕه‌كه د ناڤبه‌را ئه‌ورۆپا و رۆژهه‌لاتا ناڤین دا و ب دووه‌م مه‌زنترین هێز د هه‌ڤپه‌یمانییا باكۆرێ ئه‌تله‌سی ناتۆیێ دا دهێت، پشتی ئه‌مریكا.
زێده‌باری پێنج جاران كۆده‌تا ل توركیا هاتییه كرن، هه‌روه‌سا 75 ملیۆن كه‌س دناڤا وی وه‌لاتی دا نها دژین و ل پشتی بزاڤا كۆده‌تایا پێنجێ ترس و نه‌ئارامی دێ كه‌ڤیته باشۆرێ رۆژهه‌لاتا ئه‌ورۆپا و رۆژهه‌لاتا ناڤین.
برۆس ریدل، شاره‌زا و شرۆڤه‌كارێ پێشتر یێ ئاژانسا سی ئای ئه‌ی یا ئه‌مریكی، دیاردكه‌ت؛ هه‌ڤڕكیێن مه‌زن ل همبه‌ری ئیداره‌یا ئۆباما نه و ئارامییا توركیا بۆ ئه‌مریكا گرنگییا خوه هه‌یه، ژ بۆ وێ یه‌كێ ئارمانجێن خوه ل رۆژهه‌لاتا ناڤین و بلقان و قه‌وقاز بجهـ بینیت.
ژ ئالییه‌كێ دی ژی ڤه وه‌ك له‌شكر ژی بۆ ئه‌مریكا گرنگه چونكی ئه‌نداما ناتۆیێ یه و بنگه‌هێ ئه‌نجرلیك یێ ئاسمانی ژی ل ویه وه‌لاتی یه و نها ئه‌مریكا كو سه‌ركێشییا هه‌ڤپه‌یمانییا نێڤده‌وله‌تی یا دژی داعشێ دكه‌ت، دێ كارتێكرنێن خوه هه‌بن ب تایبه‌ت ل ئیراق و سووریا، هه‌روه‌سا ژی سیسته‌مێ ئاگه‌هداركرنا پێشخوه‌خت ژ رۆكێتان یێ ئه‌ورۆپا ل ئه‌نجه‌رلیكه.
تُتاح هذه الصورة أيضا في: کوردی
