رێككه‌فتنا پێكڤه‌ژیانێ دێ ل پارێزگه‌ها مووسلێ ئێته مۆركرن
تۆرا لالش يا راگه‌هاندنێ
ئه‌ندامه‌كێ جڤاتا پارێزگه‌ها مووسلێ دیاركر رێكه‌ڤتنه‌ك بۆ پێكڤه ژیانی و لیبۆرینا ئایینێ ناڤبه‌را موسلمان و مه‌سیحی و ئێزدی و هه‌موو پێگهاتێن ناڤ پارێزگه‌ها مووسلێ دا دێ هێته مۆركرن بۆ وی چه‌ندی پشتی مووسل رزگاربیت ناكوكیی دروست نه‌بن.
به‌ره‌كات شه‌مۆ بۆ (باسنیوز) دیاركر رێكه‌ڤتن دێ بۆ بهێزكرنا پێكڤه ژیانێ هێته مۆركرن بۆ وی چه‌ندی پشتی مووسل رزگار دبیت چوو ئاریشه ناڤبه‌را پێگهاتێن مووسلێ دا روونه‌ده‌ن هه‌موو كه‌س وه‌كو برا پێكڤه بژێن و ڤه‌گه‌رنه سه‌ر مال ومولگێن خوه.
زێده‌تر گۆت: ” د ریكه‌ڤتنی دا دێ هێته په‌سه‌ندكرن ئه‌و كه‌سێن بووینه تیرۆرستێن داعش و هارێكاریا تیرۆرستان كربیت ناهێته لیبۆرین بگه‌هنه سزایێ خوه قانوونی، ئه‌و خێزانێن ئاواره بووینه حكومه‌تی چوو گه‌ل نێنه هه‌ر كه‌سه‌كێ نه ببیته داعش و هاریكاریا داعش نه‌كربیت حكومه‌تی چوو گه‌ل نێنه لێ كه‌سێن بووینه داعش ب چوو ره‌نگه‌كێ ناهێنه لیبۆرین دێ هێنه سزادان”.
شه‌مۆ خۆیا ژی كر نوكه كار یێ دهێته كرن بۆ مۆركرنا رێكه‌ڤتنی هیشتا ده‌م و رۆژا مۆركرنا رێكه‌ڤتنی دیار نێنه لێ به‌ری شه‌ری مووسل ده‌ست پێ بكه‌ت دێ رێكه‌ڤتن هێته مۆركرن.
تُتاح هذه الصورة أيضا في: کوردی
