بارزانی دوپاتی ل رێککەفتنەکا سیاسی بەری رزگارکرنا مووسلێ کرە ڤە
وار
سەرۆکێ ھەرێما کوردستانێ دوپاتی ل رێککەفتنا سیاسی ل بەری رزگارکرنا مووسلێ کر و ئاماژەکر گەر چارەیەکا راستەقینە بۆ مووسلێ نەھێتە دیتن پشتی رزگارکرنێ دێ کێشە کوورتر لێ ھێن.
مەسعوود بارزانی سەرۆکێ ھەرێما کوردستانێ ئەڤرۆ پێشوازی ل کریستۆس ستیلیاندێز کۆمسیارێ بلندێ ئێکەتیا ئەورۆپا بۆ کاروبارێن مرۆڤایەتی و رێڤەبرنا قەیرانا کر.
کۆمسیارێ ئێکەتیا ئەورۆپا، رەوشا ئیراقێ و سووریایێ وەک گەفەک بۆ سەر ئاسایشا جیھانێ ل قەلەم د و گۆت: ئەو بۆچوونێن بارزانی بۆ رێڤەبرنا قەیرانان و مفا وەرگرتن و ھەڤکاریێ دگەل ھەرێما کوردستانێ بۆ دەربازکرن و رێگریکرن ل شاشیان ب گرنگ دزانن.
ھەروەسا کۆمسیارێ ئێکەتیا ئەورۆپا گۆتژی؛ سەرەدانا وان بۆ ھەرێمێ بۆ ھندێ یە بزانن بۆ قۆناغا پشتی داعشێ چ بھێتە کرن و چەوان ئارامیێ بۆ وێ دەڤەرێ ڤەگەرینن
ژ ئالیێ خوەڤە سەرۆکێ ھەرێما کوردستانێ دیارکر، ژ بەر ھەبوونا رەوشا تایبەتا باژارێ مووسلێ و ژ بەر پێکھاتەیێن وێ یێن ئاینی و نەتەوەیی و بۆ رێگریکرن ل کارەساتێن مەزن، پێدڤیە بەری رزگارکرنا مووسلێ رێککەفتنا سیاسی بھێتە ئەنجام دان.
بارزانی گۆتژی؛ ئەگەر چارەسەریەکا راستەقینە نەھێتە دیتن بێ گۆمان دێ کێشە ژ نھا کوورتر لێ ھێن.
تُتاح هذه الصورة أيضا في: کوردی
