سینه‌ماكارێن جیهانی پشته‌ڤانیێ ل به‌رده‌وامیدان ب فلمه فه‌ستیڤالا دهۆكێ دكه‌ن
دواڕۆژ:
پشتی نووچه‌یێ راگرتنا فلمه فه‌ستیڤالا دهوك یا نێڤده‌وله‌تی بۆ ئه‌ڤ ساله هاتییه راگه‌هاندن، هونه‌رمه‌ند و رۆژنامه‌ڤان و ره‌وشه‌نبیران هه‌وه‌ك بۆ به‌رده‌وامیدان ب ڤێ فه‌ستیڤالێ گێرا و ده‌نگێن نه‌رازیبوونێ بلند بوون، لڤێره مێهڤان و سینه‌ماكارێن ده‌رڤه‌ی وه‌لاتی كو به‌شداری ڤێ فه‌ستیڤالێ دبوون ژی پشتگیرییا خوه بۆ به‌رده‌وامیدانا وێ ده‌ربرینه.
د په‌یچێ فه‌رمیێ مالا سینه‌مایێ دا چه‌ندین بۆچۆنێن سینه‌ماكار و لایه‌نێن گرێدایی ب سینه‌مایێ ل دۆر راگرتنا ڤێ فلمه فه‌ستیڤالێ به‌لاڤ بووینه و ب ڤی ره‌نگی: فه‌یاز دومان ئه‌كته‌ر ژ وه‌لاتێ توركیا دبێژیت “به‌لێ بۆ به‌رده‌وامیدان ب فه‌ستیڤالا نێڤده‌وله‌تییا دهۆكێ، سه‌هیم عومه‌ر خه‌لیفه ده‌رهێنه‌ر ل وه‌لاتێ به‌لجیكا راگه‌هاند: جهێ داخێیه فه‌ستیڤالا فلمێن دهۆكێ براوه‌ستین، چونكو باشترین و مه‌زنترین فه‌ستیڤالا كورده و هیڤیدارم جاره‌كادی ده‌ستپێ بهێته‌كرن.
هه‌ر ژلایێ خوه‌ڤه “ئەنجیلا بوسكوفتش” به‌رهه‌مهێنه‌ر و رێڤه‌به‌رێ گشتیێ رێكخراوا كلتۆری روما ل وه‌لاتێ ئیتالیا ب رێكا نامه‌یه‌كێ فه‌رمی بۆ به‌رێز رێكخه‌رێ مالا سینه‌مایێ پشته‌ڤانییا خوه بۆ به‌رده‌وام بوونا فه‌ستیڤالا نێڤده‌وله‌تی دهۆكێ راگه‌هاندن و به‌رهه‌ڤییا خوه راگه‌هاند كو ژلایێ دارایی ڤه هاریكاریێ بۆ فه‌ستیڤالا نێڤده‌واه‌تییا دهۆكێ كۆم بكه‌ت و د وێ باوه‌رێ دایه راگرتنا فلمه فه‌ستیڤالا نێڤده‌وله‌تی دهۆكێ دێ زیانه‌كا مه‌زن ب بوارێ هونه‌ری ل كوردستانێ گه‌هینیت و نابیت رێك بۆ راگرتنا وێ بهێته‌دان.
ئه‌نستیتۆیا سی ئێچئ ای یێ نێڤده‌وله‌تی ب رێكا مالا سینه‌مایێ پالپشتییا خوه بۆ به‌رده‌وامیدان ب فلمه فه‌ستیڤالا نێڤده‌وله‌تییا دهۆكێ راگه‌هاند و دخوازیت حوكمه‌تا هه‌رێما كوردستانێ و وه‌زاره‌تا ره‌وشه‌نبیری و لاوان و لایه‌نێن په‌یوه‌ندیدار هاریكارییا ڤێ بۆیه‌را مه‌زنا سینه‌مایێ بكه‌ن بۆ هندێ سینه‌ما كوردی به‌رده‌وام د پێشكه‌فتنێ دابیت و زێده‌تر خوه بۆ جیهانێ بده‌ته نیاسین و ڤێ ئه‌نستیتۆیێ پشته‌ڤانییا خوه بۆ ێ فه‌ستیڤالێ راگه‌هاندند.
ژلایێ خوه‌ڤه فه‌ستیڤالا كایرۆ كومیكس ژی پشته‌ڤانییا خوه بۆ به‌رده‌وامیدان ب فلمه فه‌ستیڤالا نێڤده‌وله‌تییا دهۆكێ راگه‌هاند و ڤیا به‌رده‌وام بیت چونكو ناسنامه‌یه‌كێ مه‌زنه بۆ سینه‌ما و كولتۆرێ كوردی.
ب ده‌هان سینه‌ماكر و هونه‌رمه‌ندان ل سه‌رانسه‌ری جیهانی به‌شداری كه‌مپینا نه بۆ راگرتنا فلمه فه‌ستیڤالا نێڤده‌وله‌تییا دهۆكێ كرینه و ب هه‌موو شێوه‌یه‌كێ پشته‌ڤانن و دخوازن ئه‌ڤ فه‌ستیڤاله بۆ به‌رژه‌وه‌ندییا سینه‌ما كوردی به‌رده‌وام بیت.
تُتاح هذه الصورة أيضا في: کوردی
