خالد عوبێدی: هه‌رێما كوردستانێ د ئاماده‌باشیه‌كا تمام دایه بۆ شه‌ڕ مووسلێ
وار
وه‌زیرێ به‌رگرییا ئیراقێ خالد عوبێدی راگه‌هاند، هه‌رێما كوردستانێ دێ هاریكار بیت د ئۆپه‌راسیۆنا رزگاركرنا مووسلێ دا و بۆ ڤێ ئێكێ ژی، به‌رهه‌ڤییه‌كا تمام ژلایێ هه‌رێمێ ڤه هه‌یه بۆ پشكداریكرنا پێشمه‌رگه‌ی د شه‌رێ مووسلێ دا.
عوبێدی دا زانین، ژلایێ سه‌ربازیڤه وان چو كێشه‌یه‌ك نینه و به‌رهه‌ڤن ب بۆ ده‌ستپێكرنا ئۆپه‌راسیۆنا مووسلێ، لێ ئاسته‌نگا مه‌زن د ئۆپه‌راسیۆنا كونترۆلكرنا مووسلێ دا، پاراستنا وه‌لاتیێن مه‌ده‌نییه.
سه‌باره‌ت ب داخوازكرنا وی بۆ په‌ڕله‌مانێ ئیراقێ ژی عوبێدی گۆت، دڤێت ئه‌و سه‌ركرده بهێنه گازیكرن بۆ په‌ڕله‌مانی یێن مووسل و 40% ژ ئاخا ئیراقێو 5 فرقێن سوپای راده‌ستی داعشێ كرین و ب بهایێ 27 ملیار دۆلاران زیان ب ئیارقێ گه‌هاندین، وه‌كو ئاماژه‌یه‌ك بۆ سه‌رۆك وه‌زیرێ پێشتر نووری مالكی .
تُتاح هذه الصورة أيضا في: کوردی
