بەغدا.. بۆمبه‌ك په‌قى و 10 کەس بوونه قوربانی
باسنيۆز:
بەهۆی تەقینەوەی بۆمبێكی چێندراو لە باشووری شاری بەغدای پایتەختی عێراق، 10 کەس بوونە قوربانی.
بەپێی گوتەی سەرچاوەیەک لە وەزارەتی ناوخۆی عێراق، تەقینەوەکە سەرلەبەیانیی رۆژی سێشەممە 2ـی ئابی 2016 لە بازاڕێکی میللی لە شارۆچکەی مەحمودییە لە باشووری بەغدا رووی داوە.
هەروەک میدیا عێراقییەکان بڵاویان کردووەتەوە، تەقینەوەکە بووەتە هۆی کوژرانی کەسێک و برینداربوونی نۆ کەسی دیکە.
ماوەیەکە رۆژانە تەقینەوە لە پارێزگای بەغدا روودەدەن و زۆرینەی تەقینەوەکانیش لە بازاڕە میللییەکان و ناوچە هەژارنشینەکان روو دەدەن.
پێشتریش تەقینەوەی بارهەڵگرێک لە بازاڕێکی گەڕەکی کەڕادە رووی دا، کە بووە هۆی گیان لەدەستدانی نزیکەی 150 کەس و برینداربوونی زیاتر لە 200 کەسی دیکە.
تُتاح هذه الصورة أيضا في: کوردی
