ئۆكراینا دێ كونسولخانه‌یا خوه ل هه‌رێمێ ڤه‌كه‌ت
وار – دهوك :
وه‌لاتێ ئۆكراینا بریاردا، كونسولخانه‌یا خوه یا فه‌خری ل هه‌رێما كوردستانێ ڤه‌كه‌ت و د هه‌موو بواران دا، په‌یوه‌ندیێن خوه دگه‌ل هه‌رێمێ پێشڤه‌ببه‌ت.
ل گۆری راگه‌هاندنه‌كا فه‌رمانگه‌ها په‌یوه‌ندیێن ده‌رڤه‌یا حكومه‌تا هه‌رێما كوردستانێ، ئه‌ناتۆلی مارینتس بالیۆزێ ئۆكراینا ل ئیراقێ، د سه‌ره‌دانا خوه‌یا هه‌رێمێ دا، دگه‌ل فه‌لاح موسته‌فا، به‌رپرسێ فه‌رمانگه‌ها په‌یوه‌ندیێن ده‌رڤه كۆمبوویه و تێدا، راگه‌هاندییه كو ئۆكراینا دخوازیت د هه‌موو بواران دا، په‌یوه‌ندیێن خوه دگه‌ل هه‌رێما كوردستانێ خورت بكه‌ت و پێشڤه‌ببه‌ت، له‌و بریاردایه، د ده‌مه‌كێ نزیك دا، كونسولخانه‌یا خوه یا فه‌خری ل هه‌رێمێ ڤه‌كه‌ت.
بالیۆزێ ئۆكراینا، په‌سنا رۆلێ هێزێن پێشمه‌رگه‌ی و سه‌ركردایه‌تییا سیاسی و له‌شكه‌ری یا كوردی، د شه‌ڕێ دژی داعشێ دا كر و ئاماژه‌كر، كوردان پێشڤه‌چوونێن داعشێ راگرتن.
تُتاح هذه الصورة أيضا في: کوردی
