نێچیرڤان بارزانی: هه‌رێما كوردستانێ پشته‌ڤانییه‌كا ته‌مام ل كه‌نیسه‌یا كاسۆلیك دكه‌ت
WAAR-دهۆک:
سه‌رۆكوه‌زیرێن حكومه‌تا هه‌رێما كوردستانێ پێشوازی ل سه‌رۆكێ كه‌نیسه‌یا رۆژهه‌لات یا ئاشووریان ل كوردستانێ و جیهانێ و شاندا د گه‌ل دا كر و راگه‌هاند: هه‌رێما كوردستانێ پشته‌ڤانییه‌كا ته‌مام ل كه‌نیسه‌یا كاسۆلیك دكه‌ت.
نێچیرڤان بارزانی، سه‌رۆكوه‌زیرێن هه‌رێما كوردستانێ پێشوازی ل پاتریاك مار گۆرگیس سلیوه سه‌رۆكێ كه‌نیسه‌یا رۆژهه‌لات یا ئاشوورییان ل كوردستانێ و جیهانێ و شاندا دگه‌ل دا كر و راگه‌هاند: حكومه‌تا هه‌رێما كوردستانێ هه‌موو پشته‌ڤانییه‌كێ بۆ خوشك و برایێن كریستیان پێشكێش دكه‌ت، ئه‌وێن ل هه‌رێما كوردستانێ د ژیانا ئاواره‌یێ دانه.
گۆت ژی: حكومه‌تا هه‌رێمێ پشته‌ڤانییێ ل ڤه‌گه‌ریانا ئاواره‌یێن كریستیان دكه‌ت بۆ سه‌ر جهـ و وارێن وان و ئه‌وا د شیان دابیت، ژ بۆ ئاڤه‌دانكرنا وان ده‌ڤه‌ران حكومه‌تا هه‌رێمێ كێم خه‌مییێ ناكه‌ت.
ژ ئالیێ خوه‌ڤه پاتریاك مار گۆرگیسی به‌حسێ ره‌وشا كریستیانێن باژارێن ئیراقێ و هه‌رێما كوردستانێ كر و هه‌روه‌سا سوپاسیا پشته‌ڤانییا حكومه‌تا هه‌رێمێ ژی كر و راگه‌هاند: ل ڤان سالێن داویێ هه‌رێما كوردستانێ پێشكه‌فتنه‌كا به‌رچاڤ ب خوه‌ڤه دیتییه و بوو جهێ سه‌رنجا مێهڤانێن رێوره‌سمێن دانانا ئه‌سقوفێ كه‌نیسه‌یا رۆژهه‌لات یا ئاشۆریان ل هه‌ولێرێ.
تُتاح هذه الصورة أيضا في: کوردی
