مهسروور بارزانى: نابیت ئێدى بابهتێ قهربوویا قوربانیێن رژێما پێشتر بهێته پشت گوهـ خستن
گاڤ نیوز
سەرۆکێ حکومەتا ھەرێما کوردستانێ رادگەھینیت، نابیت کۆمکوژی و وێرانکاری ل کوردستانێ ل ژێر ھەر ناڤەکی و بەھانەیەکێ دوبارە ببن.
مەسروور بارزانی، سەرۆکێ حکومەتا ھەرێما کوردستانێ د یادا سالڤەگەڕا جینۆسایدا ئەنفالان دا پەیامەک بەلاڤکر و راگەھاند، ھەردەم ئەو وێ تاوانا درندانە یا رژمێا بەعس ل بیر دئینن.
ھەروەسا دوپاتکر، راستە ھندەک ژ ئەنجامدەرێن ڤێ تاوانا مەزن و وێ سیاسەتا نەژاد پەرست ب سزایێ خۆگەھشتن و ژ ناڤچوون، لێ پێدڤیە بزاڤێن وان بەردەوام بن بۆ زێدەتر ناساندنا پێلێن جینۆساید و ئەنفالان و شەرمەزارکرنا ئەنجامدەرێن وێ و رێگریکرن ل دوبارە بوونا وان تاوان چ دژی گەلێ کوردستانێ یان ھەر گەلەکێ دی ل جیھانێ و نابیت ئێدی کۆمکوژی و وێرانکاری ل کوردستانێ و ل ژێر ھەر ناڤەک و بەھانەیەکێ دوبارە بن.
ھەروەسا دوپاتکر، پێدڤی یە حکومەتا ئیراقێ ل گۆری دەستووری ئەرک و بەرپرساتیا تەماما خۆ بۆ قەرەبووکرنا کەسوکارێن شەھیدان و ھەروەسا قوربانیێن ئەنفالان و ھەموی تاوانانێن شەڕی و وان کۆمکوژیێن ھمبەری خەلکێ ھەرێما کوردستانێ ھاتینە کرن بجھـ بینیت.
دازانین ژی ئاشکرایە، ب ئەگەرا وان تاوانان خەلک و ئاخا کوردستانێ رووبرووی سیاسەت، قڕکرن، تالانکرن، وێرانکرن و ژناڤچوونێ بوویە ژبەر ڤێ یەکێ نابیت ئێدی بابەتێ قەرەبوویا قوربانیێن دەست رژێما پێشتر یا ئیراقێ بھێتە پشت گوھـ خستن.
مەسروور بازانی گۆتژی: حکومەتا ھەرێما کوردستانێ ژی ھەردەم ب قەردارا کەسوکارێن شەھید و ئەنفالکریانە و دێ ھەموی بزاڤان کەت خزمەتێن ھەژی و ل گۆری شیانان ب گەھینیتە وان.
تُتاح هذه الصورة أيضا في: کوردی