راگه‌هاندنه‌كا بله‌ز ژ وه‌زاره‌تا خواندنا بلند
گاڤ نيوز:
وه‌زاره‌تا خواندنا بلند و لێكۆلينێن زانستى يا هه‌رێما كوردستانێ ئه‌ڤرۆ چارشه‌مبيێ راگه‌هاند كو ئه‌و قۆتابيێن ده‌رچوويێن 12ى ئاماده‌يى يێن ناڤێن وان ب رێكا تۆماركرنا ناڤه‌ندى ل چ كوليژ و په‌يمانگه‌هان نه‌هاتين، دشێن فۆرما داخوازيا وه‌رگرتنێ ب ئێكسه‌ر ژ وان زانكۆ و په‌يمانگه‌هێن ڤالاتى د كورسيێن خواندنێ تێدا هه‌ى، وه‌ربگرن.
وه‌زاره‌تێ د گشتاندنه‌كێ دا راگه‌هاند؛ ب به‌رچاڤوه‌رگرتنا رێنمايێن وه‌رگرتنێ و ب تايبه‌ت مه‌رجێن ته‌مه‌ن، كۆنمره، سالا ده‌رچوونێ و مه‌رجێن دى يێن هه‌ر پشكه‌كێ، وه‌زاره‌تێ گشتاندنه‌ك ب ژماره 18083 ل رێكه‌فتى 17ى ڤێ هه‌يڤێ ئاراسته‌ى هه‌مى زانكۆيێن كوردستانێ ژ بۆ پڕكرنا ڤالاتيێن د كورسيێن خواندنێ دا ل هنده‌ك كوليژ و پشكێن زانكۆيێن هه‌رێما كوردستانێ هه‌ين، كريه.
ئاشكرا ژى كر؛ زانكۆيێن هه‌رێمێ دشێن بۆ وان به‌شێن ڤالاتى د كورسيان دا هه‌ى، فۆرمێن وه‌رگرتنێ ب ئێكسه‌ر ل سه‌ر قۆتابيێن پێشكێشكار ژ 18/10/2022 تا كو 25/10/2022 دابه‌ش بكه‌ن.
س.س
تُتاح هذه الصورة أيضا في: کوردی
