پارتی و ئێكه‌تى ل دۆر هەڵبژارتنان ل سەر چەند خالان رێککەفتن
باسنيوز:
هه‌ردوو بەشی هه‌ڵبژاردنی پارتی و دەزگای هه‌ڵبژاردنی یەکێتی له هه‌ولێر کۆبوونەوە و لەبارەی هەڵبژاردنەوە لەسەر چەند خاڵێک رێککەوتن.
ئەمڕۆ سێشەممە 28/2/2023، هەردوو بەشی هەڵبژاردنی پارتی و دەزگای هەڵبژاردنی یەکێتی لە شاری هەولێر کۆبوونەوە و له‌پرێس کۆنفرانسێکی رۆژنامه‌وانیشدا زانا مه‌لا خالید، سه‌رۆكی فراكسیۆنی پارتی له په‌رله‌مانی كوردستان رایگەیاند: “هه‌ردوولا هاوڕابووین له‌وه‌ی درێژكردنه‌وه‌ی ماوه‌ی ته‌مه‌نی په‌رله‌مان ناچاری بووه و ئێستاش هاوڕاین له‌مساڵدا هه‌ڵبژاردنی په‌رله‌مانی كوردستان ئه‌نجامبدرێت، هه‌روه‌ك له یاسای درێژكردنه‌وه‌ی ماوه‌ی یاسایی په‌رله‌ماندا هاتووه”.
هەروەها سه‌رۆكی فراكسیۆنی پارتی گوتیشی: “له‌سه‌ر دابه‌شكردنی بازنه‌كانی هه‌ڵبژاردن و كاراكردنه‌وه‌ی كۆمیسیۆنی هه‌ڵبژاردنه‌كان و شێوازی هه‌ڵبژاردنی لیسته‌كان رێككه‌وتووین”.
لە راگەیاندراوێکی هاوبەشی هەردوولاشدا ئاماژە بەوە دراوە لە ئەنجامی گفتوگۆ و ئاڵوگۆڕی بۆچوونی هەردوولا، لەسەر زۆربەی خاڵەکانی پەیوەست بە هەمواری یاسای هەڵبژاردن و کاراکردنەوەی کۆمسیۆنی باڵای هەڵبژاردن و راپرسی لێکتێگەیشتنی هاوبەش هاتە ئاراوە.
هەروەها ئەوەش خراوەتە روو کە بۆ گەیشتن بە رێککەوتنی کۆتایی بڕیاردرا لە چەند رۆژی ئاییندە هەردوولا جارێکی تر بۆ هەمان مەبەست کۆببنەوە.
تُتاح هذه الصورة أيضا في: کوردی
