سه‌رۆك نێچیرڤان بارزانى سه‌ره‌خۆشیێن خۆ گه‌هاندنه گه‌لێ ئیماراتێ
گاڤ
سه‌رۆكێ هه‌رێما كوردستانێ ژ بۆ پشكداریێ د تازیا برایێ سه‌رۆكێ ئیماراتێ دا گه‌هشته وى وه‌لاتى و ژ لایێ شێخ محه‌مه‌د بن زاید ئال نه‌هیان سه‌رۆكێ وى وه‌لاتى ڤه هاته پێشوازیكرن.
سه‌رۆكاتیا هه‌رێما كوردستانێ راگه‌هاند؛ سه‌رۆك نێچیرڤان بارزانى ئه‌ڤرۆ شه‌مبیێ ل ئه‌بوزه‌بى پایته‌ختێ ئیماراتێ پشكدارى د رێوره‌سمێن تازیا شێخ سه‌عید بن زاید ئال نه‌هیان برایێ سه‌رۆكێ ئیماراتێ شێخ محه‌مه‌د بن زاید ئال نه‌هیان دا كر.
به‌یانا سه‌رۆكاتیا هه‌رێمێ دیار ژى كر؛ سه‌رۆكێ هه‌رێما كوردستانێ ب ناڤێ سه‌رۆك بارزانى و خۆ و گه‌لێ كوردستانێ پرسه و سه‌ره‌خۆشی و هه‌ڤخه‌مى گه‌هاندنه سه‌رۆكێ ئیماراتێ و بنه‌مالا وان و گه‌لێ ئیماراتێ و هیڤى خواست خودێ گیانێ برایێ سه‌رۆكێ ئیماراتێ ب دلۆڤانیا خۆ شاد بكه‌ت.
ژ لایێ خۆڤه، شێخ محه‌مه‌د بن زاید ئال نه‌هیان سه‌رۆكێ ئیماراتێ سوپاسیێن خۆ گه‌هاندنه سه‌رۆك نێچیرڤان بارزانى ژ به‌ر سه‌ره‌دانا وى و پشكداریا وى د تازیا وان دا.
تُتاح هذه الصورة أيضا في: کوردی
