ڕێڤه‌به‌را فڕۆکەخانەيا هەولێرێ:رۆژانە مه ٦٥ گەشت ل گەڵ وه‌ڵاتان ھەنه
هەولێر_KDP.info_
بەڕێوەبەری فرۆکەخانەی نێودەوڵەتی هەولێر دەڵێ: بۆ یەکەم جار گەشتەکانمان لەگەڵ ئەبوزەبی دەستپێدەکەین و هەفتانە دوو گەشت ئەنجام دەدرێت، هەوڵدەدەین گەشت لەگەڵ وڵاتی دیکە بکرێتەوە.
ئەحمەد هۆشیار ، بەڕێوەبەری فڕۆکەخانەی نێودەوڵەتی هەولێر، بۆ ماڵپەڕی فەرمیی پارتی دیموکراتی کوردستان گوتی: بۆ یەکەم جارە گەشتی ئاسمانی نێوان هەولێر و ئەبوزەبی دەستپێدەکات و هەفتانە دوو گەشت ئەنجامدەدرێت، پێشتر تەنیا فلای دوبەی هەبوو لەگەڵ ئیمارات، بۆیە ئێستا دووشەممە و هەینی گەشتمان لەگەڵ ئەبو زەبیش دەبێت .
ئەحمەد هۆشیار گوتیشی: ئێستا لە فڕۆکەخانەی نێودەوڵەتی هەولێر رۆژانە 65 گەشتمان لەگەڵ وڵاتان هەیە، بەراورد بە وەرزی هاوین کەمی کردووە، ئەویش بە هۆی هاتنی وەرزی زستان و کرانەوەی قوتابخانەکان، بۆیە بەشێوەیەکی گشتی گەشت کەم دەبێتەوە، بەڵام گەشتەکانمان لەگەڵ وڵاتان بەردەوامن.
گوتیشی: ئەمساڵ هاتوچۆی گەشتیاری لە فرۆکەخانەی نێودەوڵەتی هەولێر بەراورد بە ساڵی ڕابردوو زیادیکردووە و مانگی 12ش ئاماری کۆتایی ڕادەگەیەنین، بۆیە ئێستا هەوڵ دەدەین گەشتەکانمان لەگەڵ وڵاتانی دیکەش زیاد بکەین.
تُتاح هذه الصورة أيضا في: کوردی
