20 ساڵ بسه‌ر كاره‌ساتا ئێكى شوباتێ ده‌رباز بوون
کوردستان TV
20 ساڵ به‌سه‌ر ته‌قینه‌وه‌كانی یه‌كی شوبات له باره‌گاكانی پارتی و یه‌كێتی له هه‌ولێر تێده‌په‌ڕێت.
20 ساڵ له‌مه‌وبه‌ر و له 1ی شوباتی 2004، له هه‌ریه‌ك له باره‌گاكانی لقی 2ی پارتی دیموكراتی كوردستان و مه‌ڵبه‌ندی 3ی یه‌كێتی نیشتمانی كوردستان، له‌كاتی پێشوازیكردن له میوانان بۆ جه‌ژنه پیرۆزه، دوو ته‌قینه‌وه هه‌ردوو باره‌گای لقی دووی پارتی دیموكراتی كوردستان و مه‌ڵبه‌ندی سێی یه‌كێتی نیشتیمانی كوردستان به‌ئامانج گرت ، به‌هۆیه‌وه چه‌ندین سه‌ركرده و كادر و هاووڵاتی له‌هه‌ردوو پارتدا شه‌هید و برینداربوون.
له‌ساڵیادی ئه‌مڕۆژه‌شدا وه‌زاره‌تی كاروباری شه‌هیدان و ئه‌نفالكراوان، له بیسته‌مین ساڵیادی كرده‌وه تیرۆریستیه‌كه‌ی یه‌كی شوباتدا، ڕاگه‌یاندراوێكی بڵاو كرده‌وه و دووپات كراوه‌ته‌وه، خوێنى شەهیدان و قوربانییەکانی كاره‌ساته‌كه، بوونە هەوێنى زیاتر بەهێزکردنى گیانى پێکەوەژیان و تەبایى و یەکێتى ڕیزەکانى گەلى کوردستان.
ده‌قی راگه‌یاندراوی وه‌زاره‌ت:
ڕاگەیەندراوى وەزارەتى کاروبارى شەهیدان و ئەنفالکراوان
لە یادى شەهیدانى(1)ى شوباتدا
پێش (20)ساڵ و لەڕێکەوتی (1)ى شوباتى ساڵى 2004، تیرۆریستانی تاریک ویست لە دوو کردەوەى خۆکوژیدا لە شارى هەولێرى پایتەختى هەرێمى کوردستان (103)بەرپرسى حکومى و سەرکردە و کادیر و پێشمەرگە و هاووڵاتییان شەهیدکرد و ژمارەیەکى تریش بریندار بوون.
ئەگەر چى تیرۆریستان ئەو کارە قێزەوونەیان بۆ تێکدانى ئاشتى و گیانى لێبوردەیى و خۆشیەکانى جەژن بوو بەڵام خوێنى شەهیدان و قوربانیەکان بوونە هەوێنى زیاتر بەهێزکردنى گیانى پێکەوەژیان و تەبایى و یەکێتى ڕیزەکانى گەلى کوردستان،
ئەمساڵیش کە یادى شەهیدان و قوربانییانی ئەوکارەساتە دەکەینەوە لەگەڵ ناردنى دروود بۆ گیانى شەهیدانى کوردستان، گەل و حکومەتى هەرێمى کوردستان لە کاتێکدا شانازى بە ئاسایش و ئارامى کوردستان و خۆڕاگرى لە ئاست هەموو کارەسات و قەیرانەکان دەکات و لە هەمانکاتدا جەخت لە یەکخستنى هەوڵەکان دەکەینەوە بۆ بەرەنگاربوونەوەى تیرۆر و تیرۆریزم.
هیوادارین ئەم بۆنانە هاندەرى زیاتر بەهێزکردنى سەروەرى کوردستان و یەکێتى ڕیزەکانى گەلەکەمانبێت. ئێمەش لە وەزارەتى کاروبارى شەهیدان و ئەنفالکراوان ، بیرەوەرى شەهیدان و قورباییان بەرز و زیندوو ڕادەگرین و وەک هەمیشە لە هەوڵى بەردەوامداین بۆ خزمەتکردنى کەسوکارى شەهیدان.
وەزارەتى کاروبارى شەهیدان و ئەنفالکراوان
تُتاح هذه الصورة أيضا في: کوردی
