وەزارەتا ساخله‌مییێ بریاره‌كا نوو ده‌ركر
خانى نيوز:
داكو نەخۆش ل بنگه‌هـێن ساخله‌مییێ یێن حكومی نه‌هێته نه‌چاركرن سەره‌دانا كلینیكێن ساخله‌مییێ و نەخۆشخانێن تایبەت نه‌كه‌ت، وەزارەتا ساخله‌مییێ یا حكومەتا هەرێما كوردستانێ بڕیاره‌ك دەركر و ڕێكارێن یاسایی و كارگێڕی ژی دێ گریتە بەر.
ئەڤرۆ دوشەمبی” 19/22024 ێ، وەزارەتا ساخله‌مییێ یا حكومەتا هەرێما كوردستانێ، د نڤیساره‌كێ دا بۆ هه‌موو رێڤەبەری و فەرمانگەهێن سەر ب وێ وەزارەتێڤه هنارتینە و گۆت: ژ پێخه‌مه‌تی بەرژەوەندییا گشتی و پاراستنا مافێن نەخۆشی و ڕێگریكرن ل دیاردا ڕێكلامكرنێ، هه‌موو نەخۆشخانە و بنگه‌هـ و مەلبەندێن ساخله‌مییێ بهێنه ئاگه‌هدار كرن، كو پێدانا كارتا تایبەتا جهێن نۆشداری، یان كارتا كەسی ل نەخۆشخانە و سەنتەر و تاقیگەهـ و سازییێن كەرتێ تایبەت دناڤا نەخۆشخانەیان بۆ نەخۆشی قەدەغەیە، نابیت نەخۆش بهێته نه‌چار كرن بۆ هندێ سەره‌دانا كلینیكێن نۆشداری و نەخۆشخانێن تایبەت بكه‌ت.”
هه‌روه‌سا گۆتییه، هەر نۆشداره‌ك، كارمەنده‌ك یان هەر فەرمانبەره‌كێ وی كاری بكه‌ت، ڕێكارێن یاسایی و كارگێڕی دێ ل دژی وی گرنە بەر.
تُتاح هذه الصورة أيضا في: کوردی
