سه‌ماحه‌تا بابێ شێخ جه‌ژنا قوربانێ ل ئێزدييان پيرۆز كر
تۆرا لالش:
ب هه‌لكه‌فتا هاتنا جه‌ژنا قوربانێ يا ئێزدييان سه‌مه‌حه‌تا بابێ شێخ بروسكه‌يه‌كا پيرۆزباهيێ ئارسته‌ى ئێزدييان دكه‌ت، ده‌قێ پيرۆزباهيێ:
ب هەلکەفتا هاتنا جەژنا قوربانێ کو دکەفتە رۆژا ئێک دووشەمبوویێ رێکەفتی (٢٠٢٤/٦/١٧) ،
سەماحەتا بابێ شێخ ،شێخ عەلی شێخ الیاس ،گەرمترین و جوانترین پیرۆزباهییان ئاراستەی ئێزدیێن کوردستانێ و عیراقێ و جیهانێ دکەن.
هیڤیخوازن ژ خودایێ مەزن ئەڤ جەژن ببە دەرگەهێ خێر و خۆشیێ بۆ مللەتێ مە و هەموو مرۆڤایەتیێ د ڤێ گەردوونی دا ،ئەڤ هەلکەفتە دەرفەتەکە دبنە پالدەرەک ژ بۆ بهێزکرنا گیانێ لێبۆرینێ و پێکڤەژیانێ دناڤبەرا ئۆل و نەتەوەیێن ل کوردستانێ و عیراقێ دا
دژین.
ل داویێ ژی داخوازێ ژ حکومەتێن هەریما کوردستانێ و عیراقێ و جڤاکا نێڤدەولەتی دکەن کار بکەن ژ بۆ رزگار کرنا کچ و ژنێن ئێزدیان یێن گرتی ددەستێ تیرۆرستێن داعش دا ،هەرەوسا ژی کار ل سەر ڤەگەراندنا ئاوارەیێن دەڤەرا شنگالێ بێتەکرن و ڤەگەرنە سەر جهـ و وارێن خوە .
دووبارە جەژنا ئارامیێ و بەختەوەریێ بت بۆ مللەتێ مە و هەموو مرۆڤایەتیێ .
ژ سەبەقێن قەولی ژ ئەدەبێ دینێ ئێزدیان ل سەر ڤێ جەژنێ دبێژت:
زەرە و مانگا زەرە
ل ئێزدیێ شەرقێ و شامێ شاھی یە و خەبەرە
عیدا حەجیا ژ با خودێ و نوورا زەرە.
زەرە و مانگا زەر هلاتە
ل ئێزدیێ شەرقێ و شامێ شاهی و خەلاتە
عیدا حەجیا بناڤێ شێشمس دهاتە.
زەرە و مانگا زەر و سپی یە
ل ئێزدیێ شەرقێ و شامێ خۆشی یە
عیدا حەجیا ل باخودێ و سلتان ئێزی یە.
زەرە و مانگا زەرە و سۆرە
تاووسی مەلەك كر ئەڤ عیدە
ل سەرانسەری سالێ بگەرێت دۆر بدۆرە
زمزم حەجە كانیا سپی مۆرە
قوبلەتا مە قوبلەت بدورە.
ئەم دکێمن و خودێ یی تەمامە
سەماحەتا بابێ شێخ
شێخ عەلی شێخ الیاس
٢٠٢٤/٦/١٦
تُتاح هذه الصورة أيضا في: کوردی
