په‌ياما بنگه‌هێ لالش ب هه‌لكه‌فتا 63 ساليا بيره‌وه‌ريا شۆره‌شا ئيلۆنا مه‌زن
ڕاگه‌هاندنا بنگه‌هێ لالش
ب هەلکەفتا بۆرینا (63) سالان ل سەر بیرەوەریا شۆرەشا ئیلۆنا مەزن کو ل سەر دەستێ بابێ رۆحی یێ نەتەوا کورد (بارزانیێ نەمر) ل 11ی ئیلۆنا سالا 1951 و ب سەروەریا سەرکردایەتیا پارتی دیموکراتی کوردستان و ب پشتەڤانیا تەڤایا خەلکێ خۆراگرێ کوردستانێ ب هەموو ئۆل و ئاین و نەتەوەیێن خۆ یێن جڤاکی ڤە، بەشداری ڤێ شۆرەشا پیرۆز بوون و داخوازا مافێ خۆ یێ رەوا د عیراقەکا دیموکراسی دە کرن.
ئەڤ چەندە ژی رامانا پێکڤەژیانەکا وەکهەڤی و دادپەروەرانە د سیاسەتا سەرکردایەتیا پارتی و جەنابێ بارزانی دە دهاتە دیتن و بەرژەوەندیا مللەتێ کورد ئارمانجا وان یا سەرەکی بوو ژبەر ڤێ چەندێ شۆرەشا ئیلونێ دهاتە ناسکرن وەك شۆرەشەکا سەرتاسەری یا خەلکێ کوردستانێ.
بێگۆمان ئەڤ ئازادیا ئيرۆ گەلێ کورد تێدە دژیت بەرهەمێ سیاسەتا سەرکەفتیانە یا سەرکردایەتیا شۆرەشا ئیلۆنێ و خوینا هەزاران شەهیدێن قەهرەمان و رەنج و زەحمەتا پێشمەرگەهێن دلێر و ب وەفا و کەد و خەباتا پارتی دیموکراتی کوردستان بوویە و بەردەوامی دان ب هاڤێژتنا پێنگاڤێن بلەز بەره‌ف گەهشتنا ئارمانجێن سەرەکی هەر ل سەر دەستێ جەنابێ سەرۆك بارزانی یە و ئەم ب ئۆمێدێن ل دەمەکی نێزیک مللەتێ کورد دێ ب هەموو مافێن خۆیێن ڕەوا شاد بت د کوردستانەکا ئازاد و سەربه‌خۆ دە.
سلاڤ ودرود ژبۆ جانێ پاکێ هەموو جانگۆریێن شۆرەشا ئيلۆنێ وسەرکێشێ کاروانێ وان بارزانیێ نەمر وئیدریسێ جوانە مەرگ.
نەمری بۆ شەهیدان و سەروەری بۆ مللەتێ کورد و بژی کورد و بژی کوردستان.
بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
10ى ئيلۆنا 2024ێ
تُتاح هذه الصورة أيضا في: کوردی
