رێڤه‌به‌رێ په‌روه‌ردا شنگال:ئيسالە نێزيكى 28 هه‌زار قوتابيان دێ پشكداریێ د پرۆسێسا خواندنێ دا كەن
ڕاگه‌هاندنا بنگه‌هێ لالش – سه‌ما
رێڤه‌به‌رێ په‌روه‌ردا شنگال يا خووندنا زمانێ كوردى راگه‌هاند، هه‌موو به‌رهه‌ڤيێن ده‌ستپێكرنا سالا نوو يا خواندنێ هاتينه كرن و ئيساله نێزيكى 28 هه‌زار قوتابیان دێ پشكداریێ د پرۆسێسا خواندنێ دا كەن.
ل رۆژا سێ شه‌مبوويێ 24ى ئيلۆنا 2024ێ، مه‌يسه‌ر حه‌جى، رێڤه‌به‌رێ په‌روه‌ردا شنگال يا خووندنا زمانێ كوردى بۆ سه‌ما دياركر، وەزارەتا په‌روه‌رده‌يا حكومه‌تا هه‌رێما كوردستانێ بڕیار دایە 25ی ڤێ مەهێ وەك ئێكەم رۆژا سالا نوو یا خواندنێ بێتە دیاركرن و دەست ب پرۆسێسا خواندنێ بهێتە كرن و گۆت: ل سه‌ر ئاستێ په‌روه‌ردا شنگال نێزيكى 28 هه‌زار قوتابیان ل قۆناغێن بنه‌ره‌ت،ناڤه‌ندى و ئاماده‌يى دێ پشكداریێ د پرۆسێسا خواندنێ دا كەن.
مه‌يسه‌ر حه‌جى گۆتژی: پشتى ڤه‌گه‌ريانا ئاواره‌يان بۆ شنگال هه‌شت قوتابخانێن دى يێن خواندانا كوردى بۆ قوتابيان هاتينه ڤه‌كرن.
دبێژت ژى: فشاره‌كا مه‌زن ل سه‌ر قوتابخانه‌يان هه‌يه، داخوازێ ل حكومه‌تا هه‌رێما كوردستانێ دكه‌ين كه‌لوپه‌ل و كه‌رفانێن زێده‌تر ب تايبه‌ت ل كه‌مپان بۆ قوتابيێن بێنه دابينكرن.
برياره سبه‌ى ڕۆژا چارشه‌مبوويێ 25/9/2024ێ، سالا نوو يا خواندنێ ل سه‌رانسه‌رى هه‌رێما كوردستانێ ده‌ست پێ بكه‌ت.
تُتاح هذه الصورة أيضا في: کوردی
