مه‌سرور بارزانی: ئارمانجا مه پێكئینانا حكومه‌ته‌كا ئێكگرتی و بهێزه
تۆرا لالش
ئیرۆ ل رێكه‌فتی 31/كانوونا ئێكێ/2024، ب هه‌لكه‌فتا هاتنا سالا نوو یا زایینی 2025ێ سه‌رۆكێ حكومه‌تا هه‌رێما كوردستانێ مه‌سرور بارزانی په‌یامه‌ك ئاراسته‌ی خه‌لكێ كوردستانێ كر و تێدا گه‌رمترین پیرۆزباهی ل هه‌می وه‌لاتیێن هه‌رێمێ و سه‌رجه‌م كوردستانیان كر. ده‌قێ په‌یامێ:
د په‌یاما خۆ دا، بارزانی سوپاسیا خۆراگری و پشوودرێژیا خه‌لكێ نیشتمانپه‌روه‌ر و سته‌ملێكری یێ هه‌رێما كوردستانێ كر، كو ب سه‌ده‌ما نه‌هنارتنا مافێن دارایی یێن مووچه‌خۆران ژ لایێ حكومه‌تا فیدرال ڤه، سالا 2024ێ بۆ وان سالا زه‌حمه‌تیێن دارایی بوو.
سه‌رۆكێ حكومه‌تێ ته‌ئكید كر كو حكومه‌تا هه‌رێمێ هه‌موو ئه‌ركێن خۆ ب ته‌مامی جێبه‌جێ كرینه، و پێتڤیه ئاریشه د سالا داهاتی دا ب شێوه‌یه‌كێ بنه‌ره‌تی بهێته چاره‌سه‌ركرن.
هه‌روه‌سا بارزانی هیڤی خواست كو د ده‌مه‌كێ نێزیك دا، گفتوگۆیێن لایه‌نێن سیاسی یێن هه‌رێما كوردستانێ ب سه‌ركه‌فتن ب دوماهیك بهێن و ل سه‌ر پێكئینانا كابینا نووی یا حكومه‌تێ بگه‌هنه رێككه‌فتنێ، دا كو حكومه‌ته‌كا ئێكگرتی و ب هێز و سه‌رتاسه‌ری بهێته پێكئینان داكو بكارت خزمه‌تا هه‌موو پێكهاته‌یێن هه‌رێما كوردستانێ بكه‌ت.
د داویا په‌یامێ دا، سه‌رۆكێ حكومه‌تێ جه‌ژنا سه‌رێ سالێ ل هه‌می لایه‌كی پیرۆز كر و هیڤی خواست كو سالا 2025ێ ببیته سالا ئاشتی و ئارامی و ئاڤه‌دانیێ بۆ كوردستانێ.
تُتاح هذه الصورة أيضا في: کوردی
