تۆرا لالش
دایك و باب ئه‌گه‌ر گرنگیا گویزێ بو زارۆكێن خۆ بزانن چ جاران ئه‌وان ژێ بێ به‌هر ناكه‌ن و دێ كه‌نه به‌شه‌ك ژ خوارنێن وان یێن سه‌ره‌كی یێن روژانه.
گویز، كو ب عه‌ره‌بی دبێژنێ (چاڤێ حێشتری)، گه‌له‌ك فیتامینێن مینا سیامین، ڤیتامین B6، ترشیا فولیك، فوسفور، مه‌گنیسیوم و مس تێدا هه‌ینه، ب شێوه‌یه‌كێ سروشتی ژی كولیسترول، سودیوم و گلوتین تێدا نینن.
نوژدار هه‌رده‌م هانا دایك و بابان دده‌ن كو وان خوارنان بده‌نه زارۆكێن خو یێن كو پڕی ڤیتامین و پروتینن. گویز ژی ئێك ژ وان خوارنانه كو دڤێت ببته به‌شه‌ك ژ خوارنا رۆژانه یا زاروكان، ژبه‌ركو پڕه ژ ئومێگا3، زینك، سیلینیوم، پروتین و ڤیتامین B6. هه‌ر ئێك ژ ڤان پێكهاتان رولێن گرنگ د پاراستنا له‌شی ژ نه‌خوشی و په‌تایان دا هه‌یه و به‌رگریا له‌شی بهێز دكه‌ن.
پسپور و شاره‌زایێن نوژداری ته‌ئكید دكه‌ن كو گویز سوده‌كا زور بو ساخله‌میا مێشكی هه‌یه، نه‌خاسمه مێشكێ زاروكێن سه‌ر ئێك سالی. ژبه‌ر هه‌بوونا ئومێگا3 و پێكهاتێن دی یێن سه‌ره‌كی یێن ڤیتامینان، مێشكێ زاروكی بو ده‌مه‌كێ درێژ ژ برسیبوونێ دپارێزیت. ئه‌ڤه ژی دكه‌ت كو زاروك ڤیتامینێن سه‌ره‌كی و پێدڤی یێن مێشكی كێم نه‌كه‌ت و یه‌ده‌گا پێدڤی ژی هه‌لگریت.
پسپور دیار دكه‌ن كو زارۆكێن سه‌ر ئێك هه‌تا سێ سالی دڤێت رۆژانه 25 گرامێن گویزێ بخون، ئه‌ڤه ژی دبته ئه‌گه‌رێ گه‌شه‌كرن و دروستكرنا ده‌مار و هه‌ستیان ب شێوه‌یه‌كێ باش، هه‌روه‌سا هانا دایك و بابان دئێته دان، داكو زارۆكێن وان د ته‌مه‌نێ مه‌زناتیێ دا توشی نه‌خوشیێن دل و پزیشكان و ژبیركرنێ و چه‌وریێن نه‌باش نه‌بن، چ جاران گویزێ وه‌ك پێكهاته‌كا سه‌ره‌كی، نه‌خاسمه د خوارنا سپێدێ دا، ژبیر نه‌كه‌ن.
تُتاح هذه الصورة أيضا في: کوردی
