ناڤه‌ندا نووچه‌يان – سه‌ما
ب مەرەما ھەڤخەمی و نووکرنەڤا سۆز و پەیمانان بۆ رێبازا بارزانيێ نه‌مر و كاك ئدریسێ هه‌رده‌م ساخ ، بنگه‌هێ لالش ل دهۆكێ ب هه‌ڤكارى ل گه‌ل ده‌زگه‌هێ خێرخوازيێ بارزانى چالاكيه‌ك بۆ كۆچبه‌رێن ئێزديێن عه‌فرينێ رێكخست و سه‌ره‌دانا مه‌زارێ نه‌مران ل گوندێ بارزان كرن و ژلایێ خه‌لات بارزانى نوونه‌رێ سه‌رۆك بارزانى هاتنه پێشوازیكرن.
شاندى سەرەرای ھەڤخەمیا خۆ بۆ کۆچبه‌ربوونا بارزانيێ نەمر د ھەمان دەم دا ب دانانا تاجە گولینەیان سۆز و پەیمانێن خۆ بو رێبازا بارزانيێ نەمر دوپاتکر.
دڤێ سەرەدانێ دە سه‌عيد جردۆ، سه‌رۆكێ ده‌سته‌يا بلندا بنگه‌هێ لالش په‌يڤه‌ك پێشكێشكر و تێدا دياركر؛ وه‌كو وه‌فادرى و دلسۆزى بۆ ڕێبازا پیرۆزا بارزانیێ نه‌مر، بنگه‌هێ لالش ب هه‌ڤكارى ل گه‌ل ده‌زگه‌هێ خێرخوازيێ بارزانى، چالاكيه‌ك بۆ كۆچبه‌رێن ئێزديێن عه‌فرينێ يێن ل هه‌رێما كوردستانێ و ب تايبه‌ت ل كه‌مپێن پارێزگه‌ها دهۆكێ ئاكنجى رێكخست و سه‌ره‌دانا مه‌زارێ نه‌مران كرن.
گۆتژى: ئيرۆ ئه‌م هاتينه سه‌ر مه‌زارێ ڤان سه‌روه‌رێن مه‌زن داكو سۆز و په‌يمانان نووژه‌ن بكه‌ين ژبۆ خه‌بات و تێكۆشينا دوور و درێژا جه‌نابێ وان مه‌شخه‌لا وێ هه‌لگرتى، زێده‌بارى وێ فه‌لسه‌فه‌يا دناڤا جڤاكێ كوردى به‌لاڤ كرين ل سه‌ر بنه‌مايێ خودێناسى و نيشتيمانپه‌روه‌ريێ و هه‌ڤدوو قه‌بوولكرن و پێكڤه‌ژيانێ ئاڤايه.
ژلايێ خۆڤه، كۆچبه‌رێن ئێزديێن عه‌فرينێ سوپاسيێن خۆ گه‌هاندنه سه‌رۆك بارزانى بۆ ڤه‌حه‌واندن و دابينكرنا هه‌موو پێدڤيێن ژيانێ بۆ وان ل كوردستانێ و سۆز و په‌يمانێن خۆ بۆ رێبازا بارزانيێ نه‌مر دوپاتكرن و دياركرن بۆ مه ژى فه‌خرو شانازى و سه‌ربلندیه كو ئه‌م ژى خودان سه‌ركرده و رێبه‌ره‌كێ وه‌كو بارزانیێ نه‌مر بین یێ كو هه‌موو ژیانا خۆ كریه دیارى پێخه‌مه‌تى بده‌ستڤه‌ئینانا مافێ ڕه‌وایێ گه‌لێ كورد.
پشتى تێكچوونا ره‌وشا سووريێ، ب سه‌دان كۆچبه‌رێن ئێزديێن عه‌فرينێ ئاواره‌ى وه‌لاتێ لوبنانێ بوون و دره‌وشه‌كا ناله‌بار دا دژيان، پشتى هانا خۆ گه‌هانديه باره‌گايێ بارزانى بۆ هه‌ريما كوردستانێ هاتنه ڤه‌گوهاستن و نوكه دره‌وشه‌كا ئێمن و ئارام دا ژيانا خۆ ده‌رباز دكه‌ن.
تُتاح هذه الصورة أيضا في: کوردی
