كاندیدێن سەرۆكایەتیا ئەمریكا،گرنگیەكا زێدەتر ب پێشمەرگەی و كوردان ددەن
تۆرا لالش یا راگەهاندنێ
چاڤدێرەكێ سیاسی دبێژت،نێرینا كاندیدێن نۆكە بۆ پۆستێ سەرۆك كۆمارێ ئەمریكا جێوازە لگەل سەرۆك كۆمارێ نۆكە دا،چنكو بۆچوونا وان سەبارەت ب پێشمەرگە و كورد زۆر باشە و لگەل وێ دان چەك و تەقەمەنیا ب شێوێ راستەوخۆ بدەنە پێشمەرگەی،لەوا هەر ئێك ژ كاندیدان سەركەفتی بن، گرنگیەكا زێدەتر ب كوردان ددەن.
چاڤدێرێ سیاسی و مامۆستایێ زانستێن سیاسی ل زانكۆیا سەلاحەددین(د.ساڵحمەلاعومەر)،ب مالپەرێ فەرمیێ پارتی دیموكراتی كوردستان راگەهاند:”هەردوو كاندیدێن سەرۆكایەتیا ئەمریكا (رۆنالد ترامب) و (هیلاری كلینتۆ) نێرینەكا باش سەبارەت ب پێشمەرگەی هەیە، ب تایبەت (ترامب) ل بانگەشەیا خۆ دا بەحسێ وێ چەندێ كریە كو پێتڤیە ئەم ب شێوەیەكێ راستەوخۆ چەك و تەقەمەنیا بدەینە پێشمەرگە، هێزا پێشمەرگەی هەڤپەیمانیا مەیە و شەرێ داعشێ دكت و ئەگەر ئەم ل رێیا شیعەیان هاریكاریا وان بكەین،ئەڤ سیاسەتە یا خەلەتە و بەحسێ وێ چەندێ ژی كر ئەگەر پۆستێ سەرۆك كۆمار وەربگرت، راستەوخۆ چەك و تەقەمەنیان دێ دەتە پێشمەرگەی و پالپشتیا كوردان دێ كت”.
مەلاعومەر گۆتژی كاندیدا دی (هیلاری) ب شێوەیەكێ ئیجابی بەحسێ پێشمەرگەی كریە و دڤێت زێدەتر دەست تێوەردانێ بكت بۆ ڕووبەرووبوونا تیرۆرستێن داعشێ،لەوا ل داهاتی دا هەر ئێك ژوان ببنە سەرۆك كۆمار،گرینگیەكا زێدەتر ب كوردان دێ دەن”.
ئەڤ چاڤدێرێ سیاسی دبێژت ژی ئەڤ هەردوو كاندیدنە دیتنا وان ئەوە كو پێتڤیە ب شێوەیەكێ توندتر ڕووبەروویێ داعشێ ببن و تارادەیەك سیاسەتا وان جێوازی هەیە لگەل سەرۆك كۆمارێ نۆكە دا،ژبەر هندێ ئەو دبینت پێتڤیە دەستێوەردان ل شەرێ داعشێ سنووردار بن،ب بەروڤاژی كاندیدێن،چنكو ئەو دبینن پێتڤیە ب شێوەیەكێ زێدەتر ژ روویێ سەربازی ڤە دەستێوەردانێ ل كاروباران بكن”.
زێدەتر گۆت:”ستراتیژیا داهاتی یا ئەمریكا دێ ئەو بت كو هێزا سەربازی ل عێراقێ زێدەتر بكت،ژبەر هندێ كاندیدێن نوو لگەل وێ بۆچوونێ دا هاوران،ئەڤە ژی نەكو تنێ ژبەر ڕووبەرووبوونەیا داعشێ،بەلكو بۆ هەر مەرەمەكا دی بت”.
تُتاح هذه الصورة أيضا في: کوردی
