نێچیرڤان بارزانی:پێدڤیە بەشێ هەرێما كوردستانێ ژ قەرزێ نێڤ دەولەتی بێتە دابینكرن
كوردستان tv
پشتی نیڤرۆیا ئیرۆ دووشەمبوویێ 6/6/2016،نێچیرڤان بارزانی سەرۆك وەزیرێن هەرێما كوردستانێ، پێشوازی ل یان كۆبیچ نوونەرێ تایبەتێ سكرتێرێ گشتیێ نەتەوەیێن ئێكگرتی بۆ عێراقێ و شاندەكێ یاوەری كر.
ل دیدارەكێ دا كۆبیچ خۆشحالیا خۆ ب سەرەدانا هەرێما كوردستانێ دەربری و دەستخۆشی ل سەركردایەتا سیاسی یا هەرێما كوردستان كر،كو بریار دان پەرلەمانتارێن خۆ ڤەگەرینە بەغدا،هەروەسا بەحسێ ل راگەهاندا پلانا ڕیفۆرم ژلایێ حكوومەتا هەرێما كوردستانێ ڤە كر و ب پێنگاڤەكا زۆر باش و ئەرێنی وەسف كر.
لە بەشەكی دی یێ ئاخفتنا خۆ دا بەحسێ پەیوەندیێن ناڤبەرا هەرێما كوردستانێ و وەلاتێن دەوروبەر ژلایەكی،هەرێما كوردستانێ و بەغدا ژلایەكێ دی و كێشێن ناڤبەرا هەولێر و بەغدا كر و ئامادەیا نەتەوەیێن ئێكگرتی بۆ نێزیكرنا هەموو لایێن پێویست ب وان كێشان دەربری.
ژلایێ خۆڤە سەرۆك وەزیرێن هەرێما كوردستانێ سوپاسیا وێ سەرەدانێ كر و دووپات كركو هەرێما كوردستانێ هیچ وەختەكی ناخوازت ببتە بەشەك ژ كێشێن سیاسیێن عێراقێ و دخوازت هەموو كێشە لگەڵ بەغدا ب رێیا دیالۆگ و گفتوگۆیێ چارەسەر بكت،جەخت ل وێ چەندێ ژی كر كو هەرێما كوردستانێ دخوازت باشترین پەیوەندی لگەل وەلاتێن دەوروبەر هەبت و ببتە فاكتەرێ سەقامگێریێ ل ناوچەیێ دا.
سەبارەت ب پلانا ریفۆرمی حكوومەتا هەرێما كوردستانێ،بەڕێزیان دووپات كر كو بۆ جێبەجێكرنا وێ پلانێ حكوومەتا هەرێمێ پێتڤی ب هاریكاریا نەتەوەیێن ئێكگرتی و وەلاتێن دۆست ب تایبەت وەلاتێن G7 هەیە،هەروەك داخواز كر كو نەتەوەیێن ئێكگرتی هەول بدەت ژوێ هاریكاریا دارایایی بۆ عێراقێ دهنێرت،بەشێ هەرێما كوردستانێ دابین بكت و حكوومەتا هەرێما كوردستانێ ژی ئامادەیە هەر رێكارەكێ ب ڤی دەربارەی ئەنجام بدەت.
بەحسكرنا رەوشا ئێمناهیا عێراقێ و هەرێما كوردستانێ و دوای پێشهاتێن شەرێ دژی تیرۆر و ئۆپەراسیۆنێن ئازادكرنا باژێرێ فەللووجە و چەند بابەتێن دی یێن پەیوەندیدار،لایەنەكێ دی یێ دیدارێ بوو.
تُتاح هذه الصورة أيضا في: کوردی
